Burela, 5 de outubro, 2019. O Pescados Rubén Burela FS recibiu un castigo excesivo no marcador para o gran traballo realizado esta tarde na pista do titánico Movistar Inter (7-2). Os de Juanma Marrube souberon repoñerse á rápida iniciativa verde e ata conseguiron chegar con vantaxe de 1-2 ao descanso. A partir da medianía do segundo acto e logo de ocasións en ambas as metas, os de Torrejón de Ardoz conseguiron apropiarse do electrónico.
O conxunto de Juanma Marrube atopouse axiña co lastre do gol interista, xa no minuto 2, a través de Pito. Malia iso os mariñáns souberon como conter o potencial verde. Nun potente disparo, Matamoros, antes do ecuador da primeira parte, avisou a J. Herrero da coraxe burelista. No 13, o meta local conseguiu de novo desartellar as posibilidades dos galegos sacando milagrosamente un balón, pero nada puido facer segundos despois coa falta sentenciada por Renato, que subiu o 1-1. O Pescadso Rubén contivo o perigo ofensivo; o balón de Pito, no 16, foise por pouco, e Edu, no 18, freou o disparo de Gadeia. Foi entón cando a alma Laranxa fixo acto de presenza, sorprendendo Pope de disparo cruzado para poñerse por diante.
Recuperou o Movistar a igualada grazas a Bebe, no minuto 26, e freou Álex pouco despois o que podería ser a vantaxe local. O Pescados Rubén non baixou os brazos; avisou con moito perigo Pope e Renato tivo o terceiro nas súas zapatillas, xa con xogo de cinco, pero fóiselle por moi pouco. Nuns minutos de moita presenza en ambas as redes, a temperanza do Movistar soubo agarrarse ao que desaproveitoru Burela e así, no 31, en tan só un minuto se apropiou do electrónico con tantos de Gadeia e Borja, que ampliou Ortiz no 34. A coraxe burelista non se mitigou; a punto estiveron de sorprender a J. Herrero no 36, aínda que xa pesaba demasiado a desvantaxe. Solano completou a renda por partida dobre na recta final, con 7-2.
Ficha técnica
Movistar Inter FS: Jesús Herrero, Borja, Ricardinho, Ortiz, Pito; tamén xogaron Gadeia, Bebe, Marcel, Marlon, Solano
Pescados Rubén Burela FS: Edu, Lucho, Luisma, R. Vargas, Renato, cinco inicial; tamén xogaron Pope, Everton, Joselito, Álex Diz, Matamoros, Juanfran
Goles: 1-0, minuto 2, Pito; 1-1, minuto 13, Renato; 1-2, minuto 19, Pope; 2-2, minuto 26, Bebe; 3-2, minuto 31, Gadeia; 4-2, minuto 32, Borja; 5-2, minuto 34, Ortiz; 6-2, minuto 38, Solano; 7-2, minuto 40, Solano
Árbitros: García Hernández // Redondo Arenales. Por Movistar amarela para Marlon (minuto 13), Gadeia (minuto 34). Por Burela amarela a Lucho (minuto 8), Juanfran (minuto 27)
Incidencias: Partido correspondente á xornada 4 de Primeira LNFS disputado no Jorge Garbajosa de Torrejón de Ardoz. O conxunto laranxa saltou á pista coa mensaxe de “Forza Iago” nas súas camisetas do fair play como apoio ao 5 burelista, lesionado de ligamentos e meniscos a semana pasada.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
