Ribadeo, 24 de outubro de 2019. A Asociación de Profesores de Automoción de Galicia (APAGA) organiza dúas fins de semana tecnolóxicas que se van celebrar en Ribadeo. A primeira será este sábado, 26 de outubro, e estará centrada na pneumática e o día 16 de novembro o curso analizará a diagnose con osciloscopio. A duración de cada xornada será de 8 horas e as 15 prazas destes dous cursos xa están ocupadas. O presidente de APAGA, Álvaro Doural, anuncia que algunhas das temáticas que teñen máis demanda volverán repetirse en 2020.
Doural contou que “por cuarto ano consecutivo, a Asociación de Profesores de Automoción de Galicia (APAGA) está a desenvolver toda unha serie de cursos os fins de semana, os sábados, dentro do programa de Fins de Semana Tecnolóxicas. Está previsto que este fin de semana, o día 26, se realice un curso de pneumática aplicado ao sector do automóbil. O día 16 de novembro vaise facer outro sobre a diagnose a través de osciloscopio. No mes de decembro, aínda está sen poñer a data, pero vaise realizar un curso de pintura e a súa aplicación no automóbil. Son cursos de oito horas e están abertos ao profesorado e a técnicos de empresa, ou a xente que teña interese en facer ese tipo de cursos”.
O presidente de APAGA subliñou que “a verdade é que estes dous primeiros cursos que acabamos de sacar fai pouco tempo xa están completos porque hai un límite de quince prazas por curso, e o de osciloscopio seguramente volvamos repetilo despois das vacacións de Nadal porque hai xente que quedou fora”.
Álvaro Doural adiantou que “ao longo de 2020 seguiremos sacando toda unha serie de cursos, nalgúns casos novos e outros que se repetirán, que se fixeron o ano pasado e que tiveron unha gran afluencia. Sempre tendo en conta as enquisas de satisfacción que nós facemos ao final dos cursos entre os participantes nas que se fan unha serie de peticións para programar futuros cursos”.
As fins de semana tecnolóxicas de Apaga celébranse no hotel O Cabazo, de Ribadeo.
O 26 de outubro da comezo en Ribadeo a cuarta edición das fins de semana tecnolóxicas que organiza APAGA
Relacionado
-
Rinlo acollerá o 1 de agosto unha nova edición da Festa do Percebe cun operativo de transporte e seguridade reforzado
-
O PSdeG de Xove reclama accións urxentes polo po en suspensión procedente da balsa de Alcoa
-
Lourenzá acolle este mércores a actividade “Xogando a aprender: Seguridade Viaria” na Praza do Conde Santo
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
