Ribadeo, 14 de outubro, 2019. O Grupo Municipal do Partido Popular insta ao Concello a pedir á Deputación o arranxo e acondicionamento da estrada LU-P-5207, cuxo treito inicial discorre polo casco urbano, atravesa unha zona residencial e dá acceso ás zonas deportiva (campo de fútbol, pavillón e piscina) e á escolar, onde se atopan o CEIP Gregorio Sanz e o CIFP Porta da Auga. Será a través da moción que os populares levarán ao vindeiro Pleno, e na que se se pon de manifesto a necesidade de acometer no menor tempo posible os traballos de mellora, pois este vial sae do núcleo urbano por unha ponte sobre a liña de FEVE, na zona do Cobo, que é moi estreita, sen beirarrúas e con graves problemas de seguridade para os peóns.
Por este motivo, Daniel Vega considera que a entidade local “debe ter un compromiso firme coa situación penosa desta arteria de comunicación”. E é que, se segue pola mesa, atópase o Mirador de Santa Cruz, sobre a ría de Ribadeo; un dos reclamos turísticos da vila, así como a parroquias de Ove, Cubelas, Cedofeita e Arante. Na actualidade, esta parte tamén conta cun mal pavimento e unha peor sinalización, así como unha sinalización deficiente, pois a pintura non se ve en moitas zonas da estrada.
Por este motivo, dende o PP solicitan a pavimentación e pintado do firme ata a confluencia coa estrada de Reme a Vilamar; a construción de beirarrúas; colocación de puntos de luz, papeleiras e bancos; instalación de dúas pasarelas na ponte que sobrevoa a liña de FEVE e colocación dunha nova iluminación de baixo consumo enerxético e alta eficiencia lumínica.
Foz será o protagonista do programa Voces de Lugo, de RadioVoz, que se emitirá en directo de 12 a 14 horas desde a cafetería Marexada para toda a provincia. Félix Jorquera charlará co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fará un balance do verán, analizará os proxectos para os vindeiros meses e tamén o momento polo que atravesa o deporte local.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
