Foz, 20 de novembro, 2019. A Asociación Socio Cultural A Pomba do Arco vai organizar o 26, 27 e 28 de novembro unha nova edición da Festa Palabra, encontro literario musical arredor da poesía, que tenta achegar a creación literaria ao grande público e de xeito moi particular unha linguaxe minorizada como é a linguaxe poética. A Festa da Palabra, recuperada felizmente vai para catro anos, após unha paréntese de catorce anos, celebrarase na salón de actos do CENIMA de Foz, comezando os concertos e as exposicións ás 20:30.
Os actos arrancan o martes 26 de novembro ás 20:30 no salón de exposicións do CENIMA de Foz cun recital a cargo do escritores Eduardo Estevez. O primeiro é unha dos poetas máis recoñecidos da poesía galega cunha abondosa bibliografía que arranca de medianos da década dos noventa e que lle valeu un importante número de galardóns e un espazo senlleiro entre as voces da xeración dos noventa. Autor de poemarios como entrar na casa, de baleas, lúa gris, nos dentro ou sen fin, destaca tamén como promotor de diversas iniciativas editoriais así como na promoción de recitais ou encontros poéticos.
O mércores 27 de novembro ás 20:30 no salón de exposicións do CENIMA de Foz recitará os seus versos a poeta Estibaliz Espinosa, unha das voces novas máis recoñecidas da poesía galega. Autora dunha longa traxectoria literaria iniciada en 199 con Mecánica celeste, deu ao prelo títulos como Pan (libro de ler e desler),Orama,Número e, Zoommm. Textos biónicos, Curiosidades, Caer de cu polo universo. A carón da súa obra individual ten colaborado cos seu poemas en ducias de publicacións colectivas, estando considerada como unha das principais voces poéticas da coñecida como xeración dos noventa.Ao tempo mereceu algúns dos máis importantes galardóns literarios da nosa poesía como o Premio Esquío, o Espiral Maior, o Díaz Xácome, A fundación ou da Gala do libro na categoría de poesía.
O actos fecharanse o xoves 38 de novembro ás 20:30 no salón de exposicións do CENIMA de Foz co recital doutro dos autores consagrados da nosa literatura como é Manuel Darriba. Nado en Sarria en 1973, licenciado en xornalismo pola Universidade Complutense de Madrid, desenvolveuse como xornalista en diversos medios de prensa, centrando actualmente a súa actividade no campo do guionismo. É autor dunha ampla obra literaria no ámbito da narrativa, con titulo como Experimentos coa mentira, Branco, O bosque é grande e profundo, Elefante, e tamén no da poesía, sinalándose nestes últimos Calor, Vostede non sabe con quen está a falar, Os indios deixaron os verdes prados ou Santa morte. Manuel Darriba recibiu diversos premios literarios, destacando os premios de poesía Espiral Maior e González Garcés.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
