Ribadeo, 19 de decembro de 2019. Seguen as actividades de Nadal organizadas por Acisa. O domingo, 22 de decembro, Papá Noel estará en Ribadeo e o día 26 haberá teatro en inglés para os/as máis pequenos/as.
Acisa iniciaba o Nadal coa inauguración da árbore de luces instalada na praciña de San Roque. A programación de Nadal continúa coa visita de Papa Noel o 22 de decembro. Estará na carpa instalada no parque de San Francisco, de 12:00 a 14:00 horas e de 17:00 a 20:00 horas.
Ademais o 26 de decembro ás 18:00 horas no Cine Teatro de Ribadeo haberá Storytime, teatro en inglés para nenos e nenas, a cargo da academia asociada Kids&Us, “nunha aposta por entreter e divertir aos máis pequenos nunhas datas tan especiais para eles”, apuntan desde a xerencia de Acisa.
E o 4 de xaneiro Ribadeo recibirá a visita dun Carteiro Real. A todas estas actividades hai que engadir a colaboración de Acisa co Concello para a posta en marcha de RibaXogo, o centro de ocio infantil e xuvenil do que se poderá gozar do 21 de decembro ao 5 de xaneiro no parque de San Francisco. A xerencia de Acisa subliña que “aquelas persoas que merquen no comercio asociado ou consuman na hostalería, tamén asociada, obterán vales de desconto do 50% para acceder á carpa que alberga ese centro de ocio”.
A directiva de Acisa lembra que “un ano máis organizamos un concurso de decoración, co obxectivo de darlle moita luz e color ás rúas de Ribadeo”. Desde o colectivo empresarial animan “a todos os socios a que decoren os seus locais, fachadas, escaparates e barras, posto que o Nadal é unha época alegre e de celebración. Sempre chama máis a atención un pobo e os seus comercios decorados, que se non locen ningún motivo navideño. Por iso convocamos este concurso de decoración con dous trofeos e 200 euros en premios para dúas categorías, unha de comercio e outra de hostalería, ao que queremos que se apunten tantos establecementos como sexa posible. Están a tempo para anotarse ata o vindeiro domingo, 22 de decembro”.
Por outra banda, todas aquelas persoas que fagan as súas compras de Nadal no comercio asociado a Acisa obterán papeletas para participar na IX Festa do Comercio, que terá lugar o 11 de xaneiro e na que se sortearán 4.000 euros en vales de compra. Desde a xerencia de Acisa lembran que “o reparto de papeletas vai a bo ritmo. Non queremos que ninguén quede sen as súas, polo que recomendamos a todas aquelas persoas que estes días merquen no noso comercio a que se fagan con elas, porque a contía dos premios que imos sortear merece moito a pena”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
