Lugo, 13 de decembro de 2019. A área de Cultura da Deputación achega, de forma gratuíta, unha programación con 30 actividades aos concellos da Provincia. Trátase de actividades de carácter lúdico dirixidas aos máis pequenos que se celebrarán desde o 14 de decembro ata o 5 de xaneiro.
A Vicepresidenta da Deputación, Maite Ferreiro, explicou que “entre as actividades incluímos teatro, maxia, varias compañías de monicreques e visitas do Apalpador que de seguro farán as ledicias dos nenos e as nenas. É unha programación deseñada para aproveitar o tempo de lecer das crianzas e para inculcar valores, con espectáculos sobre igualdade ou manter unha figura do nadal galego como é o Apalpador, quen ademais transmite a importancia da conservación do Medio Ambiente”
Programación Nadal Cultural
Sábado 14
Carballedo – Visita do Apalpador. Ás 18.00 no salón de actos do Concello
Foz – Igualdade onde estás? de Fani Triana. Ás 19.00 no Local Social de Cangas de Foz
Domingo 15
Friol – Visita da Apalpadora. Ás 17.30 na Fortaleza de San Paio de Narla
Luns 16
Sarria – Visita do Apalpador. Ás 10.00 no Colexio Frei Luís de Granada
O Incio – Visita do Apalpador. Ás 15.20 no Colexio Ricardo Gasset
Martes 17
Pedrafita – Visita do Apalpador. Ás 13.30 no Colexio Uxío Novoneyra
Cervantes – Visita do Apalpador. Ás 14.30 no CPI de Cervantes
Mércores 18
Rábade – Visita do Apalpador. Ás 17.30 no Centro Sociocultural
Venres 20
Cervo – Visita do Apalpador. Ás 17.00 no Pavillón de San Román de Vilaestrofe
Sábado 21
Xermade – 5 historias para unha man, monicreques con Mircromina. Ás 12.00 na Biblioteca
Meira – O Cachopo Máxico con Lîlâ Teatro. Ás 17.00 na Casa da Cultura
Castroverde- Visita do Apalpador. Ás 17.00 no Centro Social de San Cibrao, Montecubeiro
Domingo 22
Muras-5 historias para unha man, monicreques con Mircromina. Ás 17.00 na Casa do Médico
Luns 23
Barreiros-O agasallo de Anya, monicreques con Trécola. Ás 18.00 no Centro Sociocultural
Venres 27
Guitiriz-O Cachopo Máxico con Lîlâ Teatro. Ás 17.30 na Casa Habanera
Sábado 28
Cospeito – O Cachopo Máxico con Lîlâ Teatro. Ás 18.00 na Casa da Cultura de Muimenta
Palas de Rei – Belarmina, a flamante Velutina, monicreques con Titiriterra. Ás 17.30 na Casa da Cultura
Domingo 29
Carballedo – Maxia pola Igualdade con Fani Triana. Ás 17.30 na oficina de turismo de Castro
Begonte – Gyrovagus, monicreques con Mircromina. Ás 17.00 na Casa da Cultura
Luns 30
Barreiros- Visita do Apalpador. Ás 18.00 no Centro Sociocultural
Xoves 2
Chantada – O agasallo de Anya, monicreques con Trécola. Ás 18.00 no Auditorio Municipal
Taboada – Maxia pola Igualdade con Fani Triana. Ás 18.30 na Antiga Casa Cuartel
O Corgo- Visita do Apalpador. Ás 19.00 no Local Social de Ponte de Neira
Venres 3
Viveiro – O agasallo de Anya, monicreques con Trécola. Ás 18.00 no Teatro Pastor Díaz
Cospeito – Visita da Apalpadora. Ás 18.00 na Casa da Cultura de Muimenta
Antas de Ulla – Gyrovagus, monicreques con Mircromina. Ás 18.00 na Biblioteca
Sábado 4
A Pastoriza – O agasallo de Anya, monicreques con Trécola. Ás 16.00 no Concello
Ribadeo- O Cachopo Máxico con Lîlâ Teatro. Ás 17.30 no Teatro
A Pobra do Brollón – Igualdade onde estás? de Fani Triana. Ás 18.00 na Casa da Cultura
Bóveda – 5 historias para unha man, monicreques con Mircromina. ás 18.00 no Centro
Sociocultural
Corais
Durante estas datas tamén se organizan 22 actuacións de grupos corais polas rúas de Lugo, así como polas Igrexas Parroquiais do municipio. Comezarán o xoves 19 de decembro.
Rede Museística
A Rede museística tamén organiza tamén unha programación específica de Nadal, xirando en torno á sostenibilidade e centrándose na colección propia de cada Museo. Son un total de 16 actividades dirixidas a públicos de todas as idades, que poden consultar na web da entidade. Para participar é necesario formalizar a inscrición no Museo onde se vaia realizar a actividade.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
