Lugo, 21 de xaneiro de 2020. A Deputada de Promoción do Territorio e Turismo, Pilar García Porto, presentou este martes a colaboración da institución provincial co Centro Oceanográfico de Vigo, pertencente ao Instituto Español de Oceanografía, que depende do Ministerio de Ciencia e Innovación, para desenvolver na provincia o proxecto divulgativo Mar interior: un océano de oportunidades no corazón de Galicia, unha iniciativa que fomenta o coñecemento, coidado e respecto do medio mariño entre os estudantes e o público en xeral.
O Pazo de San Marcos acollerá dous obradoiros e unha exposición específica entre os días 18 e 22 de febreiro. A actividade trasladarase á Casa da Cultura Poeta Lois Pereiro de Monforte de Lemos do 23 ao 29 de marzo.
“Traendo este proxecto á provincia, queremos contribuír a poñer en valor e visibilizar o labor investigador desenvolvido en Galicia en ciencias do mar, especialmente no relacionado co coñecemento dos océanos, a sostibilidade dos recursos pesqueiros e a inmensa riqueza do medio ambiente mariño”, dixo García Porto, quen explicou tamén que a Deputación de Lugo colaborará con este proxecto financiando o transporte dos escolares dende os seus centros educativos ata o Pazo de San Marcos e Monforte.
Esta iniciativa, subliñou a Deputada, “é unha boa forma de fomentar a conciencia social no respecto e o coidado do medio ambiente nun tempo de emerxencia climática que entre todos e todas temos a obriga de combater”.
O proxecto estará aberto para o público en xeral, aínda que as actividades, todas de carácter gratuíto, están dirixidas principalmente a alumnos e alumnas de Educación Primaria e a ESO. Mañá mércores, ás 9.00 horas, abrirase o prazo de inscrición nos obradoiros que terán lugar na Deputación de Lugo. A solicitude poderá realizarse a través do correo electrónico ieo.vigo@ieo.es
Xunto a Pilar García Porto, na presentación do programa participaron Victoria Besada, Directora do dentro Oceanográfico de Vigo, e Isabel Rivero, investigadora do organismo. Besada comentou que con esta iniciativa permitirán a aqueles que se acheguen á mostra “ser investigadores por un día, poderán manexar o noso instrumental, co que traballamos cada día, e tamén coñecer as nosas instalacións a través dunhas gafas de realidade virtual”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
