Burela, 31 de xaneiro de 2020. Burela estará presente un ano máis na Feira Xantar, que se celebra en Ourense do 5 ao 9 de febreiro. O día 7 estará dedicado ao mar e Burela ofrecerá unha degustación dos seus produtos típicos. O Concello vai poñer un autobús con 55 prazas para que os veciños e veciñas que o desexen poidan desprazarse ata a cidade das burgas para asistir a esa cita do 7. As persoas interesadas deberán anotarse no Concello, onde tamén se lles facilitará a entrada de acceso a Xantar. O concelleiro de Turismo, Ramiro Fernández, explicou que “os que queiran ir á feira pola súa conta tamén terán entrada pasando a recollela polo Concello”.
O edil anunciou que “para a semana que ven, entre os días 5 e 9, vaise celebrar no recinto feiral de Expo Ourense, a Feira Xantar, referida a poñer en valor os produtos gastronómicos das distintas zonas de Galicia, incluso de Portugal. Alí o Concello de Burela vai ter ou seu stand e tamén imos ser honrados con poder participar o venres, día 7, ás doce e media, no Día do Mar e o alcalde poderá expoñer diante de todo o mundo as excelencias gastronómicas de Burela e destacar os puntos turísticos que temos no noso concello”.
Ramiro Fernández contou que “como fixemos o ano pasado, dado o éxito que tivo, imos poñer un autobús a disposición dos veciños e veciñas de Burela. Estes días mandaremos un correo a todas as asociacións para aquelas que queiran participar con algún dos seus membros nesta viaxe. O autobús sairá ás oito e media da mañá da estación de autobuses de Burela e regresará a media tarde. O ano pasado tivo moito éxito, o autobús encheuse, á xente gustoulle moito pasar ese día na feira e este ano repetimos a experiencia”.
O concelleiro de Turismo agarda que “a Feira Xantar se desenvolva ben, é unha feira que nos gusta e que é positiva para Burela e esperamos que teñamos éxito e que poidamos seguir promocionando tanto Burela como os seus produtos gastronómicos nesa feira”.
Fernández Rey subliñou que “o 7 é o día dedicado ao mar e imos facer unha degustación de produtos típicos de Burela. Imos poñer no noso stand unha serie de produtos para degustar e invitamos tanto á xente de Burela como á que pase pola feira a estar alí e poder probalos”.
Burela estará presente un ano máis na Feira Xantar, que se celebra en Ourense do 5 ao 9 de febreiro
Relacionado
-
O Concello de Cervo impulsa unha nova edición de ‘Educando en familia’ con actividades nos CEIPs do municipio
-
Esperanza organiza novas actividades de sensibilización coincidindo co Día Mundial contra o Cancro de Mama
-
Clausurada a tempada de baño adaptado de ‘Ribadeo Accesible’ tras facilitar o acceso ao mar a centos de persoas
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
