Compostela, 24 de xaneiro, 2020. O deputado do PP no Parlamento galego, Daniel Vega, puxo en valor o desenvolvemento de catro obradoiros de emprego en sete concellos da comarca da Mariña grazas a un investimento de 1,18 millóns de euros por parte da Xunta de Galicia – a través da consellería de Economía, Emprego e Industria- despois de formular diversas preguntas este xoves sobre este tipo de iniciativas no marco do reunión da Comisión 5ª de Sanidade, Política Social e Emprego.
O popular recalcou que se trata de iniciativas que permiten “mellorar a empregabilidade das persoas en situación de desemprego”. Isto é, “as persoas participantes reciben formación teórica e práctica acreditable a través dun certificado de profesionalidade e, ao mesmo tempo, vense beneficiadas dun contrato de traballo durante o tempo no que se desenvolva o obradoiro”.
O deputado do Grupo Popular deixou clara a aposta do goberno galego pola convocatoria deste tipo de programas de formación para o emprego que, ao mesmo tempo, “serven para acometer obras, realizar melloras ou prestar servizos nos municipios nos que se implantan” trala solicitude das axudas que a Xunta de Galicia convoca dirixidas a concellos, mancomunidades e entidades públicas dependentes para a posta en marcha destas iniciativas.
Ata 94 persoas contratadas para o desenvolvemento de catro obradoiros
Vega lembrou que foron un total de catro os obradoiros de emprego desenvoltos en sete concellos da Mariña. Nese sentido, fixo distinción entre os tres obradoiros duais e o taller de emprego dirixido especificamente a mozos e mozas menores de 30 anos en situación de desemprego. No primeiro caso, cun investimento dun millón de euros desenvolvéronse na comarca -promovidos por sete concellos e cunha duración de nove meses- os obradoiros ‘Ribadeo alén do Camiño’, ‘Sendas de Burela, Cervo e Xove VI’ e ‘Terras do Sor III’ (O Vicedo, Ourol e Muras). Así mesmo, hai que engadir o desenvolvemento dun taller de garantía xuvenil que, cun investimento de 180.000 euros e unha duración de seis meses, se está a desenvolver en Ribadeo, o ’Doc Tic III’, que ofrece formación teórica e práctica e experiencia laboral a un total de 16 alumnos e alumnas en materia de Produción fotográfica e Operacións de gravación e tratamento de datos e documentos.
“O investimento de 1,18 millóns de euros por parte da Xunta fixo posible a contratación de 94 persoas desempregadas entre os 76 alumnos-traballadores e outras 18 persoas que exercen como monitores ou realizan tarefas de dirección e administración”, matizou.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
