Madrid, 23 de xaneiro de 2020. A Mancomunidade de Concellos da Mariña presentou a súa proposta turística esta tarde en Madrid en Fitur (Feira Internacional de Turismo). Estivo baseada no turismo slow. No acto interviñeron o presidente da entidade, Alfredo Llano, a alcaldesa de Viveiro, María Loureiro, e o concelleiro de Turismo de Ribadeo, Pablo Vizoso. Tamén tomaron a palabra o presidente da Deputación de Lugo, José Tomé, e o delegado territorial da Xunta, José Manuel Balseiro.
Llano contou que “fixemos unha presentación bonita, atractiva, espectacular, moi ilustrativa, con información clara porque proxectamos 5 vídeos, que representan outros tantos proxectos de turismo slow”.
O presidente da Mancomunidade de Concellos da Mariña dixo que “na miña intervención destaquei que as necesidades de agora contemplan traballar dunha maneira, fluída, repartida e diversa, de acordo aos obxectivos de Nacións Unidas respecto ao medio ambiente. Nosoutros queremos tamén que se respecte o medio ambiente, que teñamos unha cantidade de turismo que se sinta a gusto e que sexa partícipe do coidado da natureza”.
E engadiu que “houbo 5 propostas de turismo slow e eu defendín o referido ao Norte de Galicia, no que nosoutros compartimos espazo con Ferrolterra. Pero na Mariña temos 28 establecementos de turismo slow, todos con características comúns, que son o seu tamaño, o seu respecto ao medio ambiente, a recollida de residuos e todo o que fan é sostible. Polo tanto representan unha forman de proceder para un turismo moi selectivo. Tamén falamos das xeorutas, das rutas de artesanía, da ruta da faba e tamén das guías teatralizadas dos tres Concellos que as teñen: Viveiro, Ribadeo e Mondoñedo”.
Alfredo Llano subliñou que “houbo moita xente. Este ano é espectacular os visitantes que hai en Fitur. Levo vindo 5 anos e nunca tanta xente vin no recinto feiral de Fitur”.
Na presentación participaron o presidente da Mancomunidade de Concellos da Mariña Lucense, que centrou a súa intervención no Turismo Slow Norte de Galicia; a alcaldesa de Viveiro, María Loureiro, que falou das Rutas de Artesanía e da Ruta da Faba; e o concelleiro de Turismo de Ribadeo, Pablo Vizoso, que se centrou nas Audioguías Ficcionadas e nas Xeorutas. Todas elas experiencias coas que coñecer e desfrutar en profundidade do xeodestino, dunha forma sostible e respectuosa, apostando polos valores diferenciais e imbuíndose na cultura local.
Tania Hermida, a axente de Desenvolvemento Turístico da Mancomunidade, comentou que “durante a presentación tiveron especial protagonismo a figura do anfitrión no xeodestino, clave tamén na filosofía do turismo slow, xa que ademais dos tres representantes que participaron por parte da Mancomunidade, persoas vinculadas ás 5 experiencias puxéronlles voz con pezas de vídeo de 1 minuto de duración. Eles foron os encargados de introducir as experiencias que logo ampliaron os poñentes nas súas intervencións. Deste xeito quixemos resaltar tamén a parte hospitalaria e única na que a xente local contribúe a facer destino”.
O traballo da Mancomunidade en Fitur vai máis aló xa que “estivemos hoxe e estaremos mañá mantendo reunións con operadores turísticos co obxectivo de presentarlles tanto a variedade de recursos coma de produtos e servizos turísticos do xeodestino da Mariña lucense”.
A Mancomunidade de Concellos da Mariña presentou a súa proposta turística en Fitur
Relacionado
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
