Lugo, 5 de febreiro de 2020. A Deputada de Promoción do Territorio e Turismo, Pilar García Porto, participou este mércores na inauguración do 21º Salón Internacional de Turismo Gastronómico, Xantar 2018. Trátase da feira gastronómica organizada por Expourense, que terá lugar dende hoxe e ata o vindeiro domingo na capital ourensá, para promover a calidade da gastronomía e o turismo sustentable e saudable na comunidade galega.
A Deputación de Lugo promoverá a provincia de Lugo e os seus produtos gastronómicos entre os centos de persoas que participan en Xantar, pois contará cun espazo propio durante os cinco días que dura o evento. No stand da Deputación ofreceranse degustacións de alimentos típicos lucenses, como viño da Ribeira Sacra, embutidos de Porco Celta e galletas da Veiga. Ademais, ofrecerase material divulgativo con folletos promocionais dos concellos lucenses, das Denominacións de Orixe, e tamén das tres Reservas da Biosfera da provincia.
García Porto subliñou que o obxectivo é “dar a coñecer as potencialidades dos nosos 67 concellos da provincia e tamén da calidade dos nosos Consellos Reguladores de Denominación de Orixe, dos Consellos Reguladores de Agricultura Ecolóxica, das Indicacións Xeográficas Protexidas, e tamén das Asociacións de Criadores de Razas Autóctonas, ademais da Asociación Provincial de Hostalería da Provincia”.
Para a provincia de Lugo, o Salón Internacional de Turismo Gastronómico “é un gran escaparate para dar a coñecer Lugo e os seus produtos e, tamén para establecer contacto con diferentes empresas de restauración, produtores, entidades públicas e privadas, e público en xeral, coa finalidade de atraer ao maior número de persoas a coñecer a nosa provincia”.
Ademais, dentro da estratexia de apostar polas innovacións tecnolóxicas na promoción do territorio, “vimos de lanzar dúas aplicacións para móbiles e precisamente, unha delas, Inventrip, permítelle ao visitante trazar o seu propio itinerario de viaxe e facilítalle ao visitante coñecer os diferentes locais de hostalería e de restauración da provincia, a través dos cales pode escoller entre un gran abano de oportunidades o lugar que máis encaixe coas súas preferencias”.
Degustacións
Este sábado, o Salón Internacional de Turismo Gastronómico dedicaralle o día á provincia de Lugo. A Deputación ofrecerá unha demostración culinaria en directo dun menú feito con produtos propios da provincia que, unha vez rematado, dará a degustar de forma gratuíta entre os asistentes á cita.
“Dende a Deputación somos fieis ao noso propio produto e temos un gran interese por potenciar a nosa gastronomía como motor para o desenvolvemento turístico dos territorios produtores, fomentando a profesionalización de todos os que interveñen na cadea agroalimentaria ata que o produto chega á mesa, por iso contaremos o sábado con alumnado e profesorado da Escola de Hostalería e Turismo Belarmino Fernández de Sober, un exemplo dos grandes cociñeiros e cociñeiras que formamos na provincia”, subliñou Pilar García Porto.
Por outro lado, o sábado tamén estarán dúas representantes da asociación MOEXMU de Muimenta (Cospeito) cociñando filloas e dándolle a proba de forma gratuíta aos asistentes coa finalidade de promocionar a XXIX Festa da Filloa, dedicada a unha das sobremesas máis típicas da cociña galega. Esta cita celébrase o 1º de maio e no ano 2008 foi declarada de Interese Turístico Galego.
Foz será o protagonista do programa Voces de Lugo, de RadioVoz, que se emitirá en directo de 12 a 14 horas desde a cafetería Marexada para toda a provincia. Félix Jorquera charlará co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fará un balance do verán, analizará os proxectos para os vindeiros meses e tamén o momento polo que atravesa o deporte local.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
