Lugo, 4 de marzo de 2020. A Deputación de Lugo seguirá apostando ao longo deste ano 2020 pola innovación tecnolóxica e o posicionamento dixital para mellorar a difusión e o acceso á oferta turística da provincia. Así o acordou o Consello Provincial de Turismo que celebrou na tarde deste mércores unha sesión ordinaria. A vicepresidenta do Consello e Deputada de Promoción do Territorio e Turismo, Pilar García Porto, presentou o documento do Plan de Traballo para este ano.
García Porto explicou as liñas estratéxicas que se van seguir ao longo destes meses en materia turística. “Imos apostar por intensificar a nosa presenza no mundo dixital, imos actualizar o material propio de promoción da provincia, continuar avanzando no Proxecto de Sinalización Intelixente, reforzar a formación das guías turísticas, aumentar a nosa presenza en feiras, mellorar o servizo de rutas fluviais en catamarán pola Ribeira Sacra, emprender accións singulares de promoción da nosa riqueza medioambiental e, entre outras iniciativas e establecer colaboracións con eventos de promoción turística de referencia no noso territorio, entre outras cuestións”, explicou.
Nesta mesma sesión tamén se deu conta das principais accións realizadas pola Área de Turismo da Deputación de Lugo ao longo do ano 2019 e fíxoselle entrega dunha memoria a cada un dos membros do Consello. Nese documento recóllese a colaboración na promoción das Xornadas de Exaltacións Gastronómicas, iniciativas promovidas coa Universidade de Santiago, a celebración do Día Mundial do Turismo, as rutas fluviais en catamarán, a realización de actividades de turismo científico no territorio de Ancares-Courel, o plan de promoción online, a posta en marcha das apps turísticas, o impulso de accións nas redes sociais, a realización de campañas audiovisuais, o plan de comunicación offline, participación en feiras, asistencia a foros sectoriais, cesión dun abeto de Nadal ao Museo Nacional Do Prado, a promoción da provincia no Dakar ou a aprobación das bases dos Premios Provinciais de Turismo, entre outras iniciativas que recolle a memoria.
Adhesión de novos membros
Nesta mesma sesión tamén se acordou a adhesión de dous novos membros ao Consello de Turismo. Trátase da Reserva da Biosfera dos Ancares Lucenses e Montes de Cervantes, Navia e Becerreá e tamén a Reserva da Biosfera Terras do Miño. “O desenvolvemento das actividades turísticas e de recepción dos visitantes baixo programas de calidade dentro do ámbitos das Reservas é un eixe estratéxico das economías de calidade, por iso valoramos moi positivamente a adhesión ao Consello destas dúas Reservas”, subliñou a Deputada de Promoción do Territorio e Turismo.
García Porto engadiu que “o turismo sostible, desenvolvido de forma harmónica e compatible coa conservación dos recursos naturais, pode axudar, ademais de a aumentar os ingresos que xera a propia actividade, a mellor a xestión e conservación da biodiversidade debido ao interese dos turistas polos valores naturais”.
Órgano participativo e consultivo
A posta en marcha do Consello Provincial de Turismo é unha das medidas definidas ao abeiro do Plan Estratéxico de Turismo na Provincia de Lugo (2017-2020), pois establece a constitución de estruturas de xestión de carácter multidisciplinar e participativas que promovan accións en impulso da marca turística Lugo. Forman parte deste organismo 24 persoas relacionadas co turismo da provincia (representando a asociacións, entidades e institucións), co obxectivo de impulsar a gobernanza turística a través deste novo ente, participativo e consultivo.
A Deputación apostará pola innovación tecnolóxica e o posicionamento dixital para impulsar o turismo
Relacionado
-
O PPdeG destaca as iniciativas de emprendemento desde o rural galego que poñen en valor o territorio
-
O PSdeG reclama ao alcalde de Abadín actuacións urxentes no campo de fútbol municipal
-
O BNG demanda a Rueda explicacións sobre “o incumprimento inaceptable” do prazo para limpar as faixas secundarias nos concellos de menos de 10.000 habitantes
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
