Viveiro, 27 de marzo de 2020. O Concello de Viveiro agradece a colaboración veciñal na posta en marcha das medidas excepcionais impulsadas desde a corporación pola crise do COVID 19 e o esforzo dos que traballan na sanidade e os servizos básicos.
Ao longo destas últimas dúas semanas, o Concello de Viveiro veu adoptando unha serie de medidas excepcionais, motivadas pola crise sanitaria e relacionadas tanto coa declaración da Situación de Emerxencia Sanitaria en Galicia, como do Estado de Alarma en todo o territorio español.
Entre os acordos adoptados cómpre facer mención, en primeiro lugar, a todas as medidas de carácter preventivo que, dentro das competencias municipais, se estableceron coa finalidade de evitar a propagación do virus. Cabe sinalar, entre outras, a suspensión de actividades deportivas, culturais ou eventos previstos; o peche das instalacións e parques infantís municipais; a suspensión dos mercados; a suspensión do servizo de axuda no fogar (naqueles casos que non sexa imprescindible para actividades da vida cotiá) ou a suspensión dos servizos de transporte prestados por este concello, entre outros.
“Acordouse, así mesmo, o mantemento dos servizos públicos esenciais e habilitáronse dous teléfonos de contacto, un casos de necesidades urxentes e inaprazables, e outro teléfono diferenciado para aquelas persoas que se atopen en situación de vulnerabilidade ou desamparo e non conten con apoio familiar ou social”, lembra a alcaldesa, María Loureiro.
Adoptáronse tamén medidas con respecto ao cobro de impostos ou taxas inminentes; decretando a suspensión do prazo para o pago voluntario do IVTM, previsto do 1 de abril ao 1 de xuño, e dando as indicacións oportunas para que no momento da elaboración dos padróns dos servizos que implican o cobro de taxas, como pode ser a gardería, a piscina ou o conservatorio, se teñan en conta os decretos de suspensión das distintas actividades aos efectos de liquidar nas mensualidades afectadas unicamente os importes correspondentes aos períodos non afectados pola suspensión.
“Consideramos que o principal neste momento é velar pola seguridade da saúde pública; polo que unha vez superada esta situación, será o momento de sentarse para estudar e avaliar as medidas adoptar no ámbito municipal co fin de minimizar as consecuencias colaterais desta crise no ámbito económico e social”, engade a alcaldesa.
O concello realiza, así mesmo, unha reunión semanal cos voceiros dos grupos políticos con representación municipal; a semana pasada realizouse de xeito presencial e a desta semana, por unha proposta da concelleira do BNG, fíxose por videoconferencia.
Nestas xuntanzas realízase un balance das medidas adoptadas e das incidencias acontecidas ao longo da semana. “Intentamos, así mesmo, que a administración non se paralice, mantendo a actividade propia na tramitación daqueles expedientes que non se vexan afectados pola paralización dos prazos administrativos”, explica Loureiro.
Ao longo destas semanas, o concello mantivo un contacto practicamente diario coas dúas residencias de maiores existentes no concello e tamén realiza un seguimento do número de veciños e veciñas de Viveiro contaxiadas co COVID-19; neste momento hai varios casos no municipio e a previsión é que a cifra de afectados vaia en aumento, tendo en conta que hai probas realizadas á espera de coñecer os resultados.
O feito de que poidan realizarse test rápidos no Hospital da Costa suporá un incremento no número de casos coñecidos e isto permitirá coñecer o alcance real dos contaxios e a adopción das medidas oportunas.
“Estamos a vivir un periodo complexo no que, unha vez máis, debemos apelar á responsabilidade de cada un de nós, en beneficio de todos; debemos saír dos nosos domicilios únicamente cando sexa imprescindible, tomando todas as medidas de prevención recomendadas”, demanda a alcaldesa de Viveiro.
O concello amosa a súa gratitude a todas as persoas que estes días están traballando intensamente para superar esta crise: persoal sanitario, forzas e corpos de seguridade, farmacias, supermercados e todos aqueles sectores que garanten o seu abastecemento, transportistas, persoal dos servizos esenciais e un longo etcétera de profesionais.
Agradecer, tamén, a todas aquelas persoas que intentan achegar o seu gran de area, de moi distintas formas, aos voluntarios e ás empresas ou particulares que están a realizar doazóns, como é o caso da Lonxa de Celeiro, Puerto de Celeiro ou a Cofradía de Celeiro. E dar as grazas, así mesmo, aos voceiros municipais e a toda a corporación polo seu apoio con respecto ás medidas que estamos tomando.
“E debemos, finalmente, confiar en que todo vai a saír ben; neste sentido, queremos enviar a todos os veciños e veciñas unha mensaxe de apoio, esperanza e ánimo para superar esta situación e volver á normalidade en canto sexa posible”, remata María Loureiro.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
