Compostela, 7 de abril de 2020. Galicia en Común-Anova Mareas ven de reclamar unha mesa de diálogo con sindicatos e Anpas para consensuar as decisións sobre o curso escolar ante a crise do Covid19, tras consultar cos axentes educativos.
“Non pode ser que en Galicia aínda non se tomara a decisión sobre se o curso escolar se vai retomar ou non e en que circunstancias, cando noutras comunidades autónomas xa lle foi trasladado ao persoal docente e ao alumnado”, sinalou hoxe Gómez Reino, nunha comparecencia telemática.
É por isto que, dende a coalición, solicítase unha mesa de diálogo con sindicatos e ANPAS para decidir como finaliza e se avalía o actual curso escolar. “A Xunta de Galicia non pode actuar de cóstas á comunidade educativa, que xa está farta de enterarse pola prensa das decisións da Consellería de Educación”.
O portavoz de GeC-AM esixiu tamén “un pronunciamento claro da Xunta sobre a data de celebración das oposicións do profesorado, prevista para o mes de xuño”.
Do mesmo xeito que no caso do curso escolar, non hai transparencia por parte do goberno galego sobre esta convocatoria, da que están pendentes miles de opositores no país.
“Se Feijóo decide aplazalas ao vindeiro ano, pedimos que se manteñan as prazas ofertadas e se incrementen en relación á taxa de reposición”, engadiu Gómez Reino.
En relación ás probas de acceso á universidade, Antón Gómez Reino solicita que se adapte a proba da ABAU aos contidos impartidos no tempo da docencia presecial e que se convoquen bolsas universitarias propias para o vindeiro curso, adaptadas ás necesidades de aloxamento, manutención e transporte do alumnado.
Galicia en Común-Anova Mareas tamén solicita que se garanta “unha alimentación axeitada e equilibrada mentres dure o confinamento para os nenos e nenas que son beneficiarios das bolsas de comedor”, pedindo tamén “que se poidan abrir as bolsas a aquelas familias que vexan os seus ingresos afectados por mor desta crise”.
Por último, a coalición aposta por atallar a fenda dixital no país, garantindo o acceso de todo o alumnado aos contidos dixitais mediante solucións como bonos de internet e equipos para aquelas familias sen recursos.
Ademais, Galicia en Común-Anova Mareas considera unha boa nova que a Xunta tivera en conta a proposta trasladada por Gómez Reino para poñer en marcha un plan educativo para o alumnado de primaria e secundaria a través dunha programación específica na CRTVG.
“Esta medida debería incluír lingua de signos e pictogramas, que permitirían chegar a todo tipo de alumnado”, concluiu.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
