Foz, 5 de maio de 2020. O Banco de Alimentos do Concello de Foz atende actualmente a 84 familias con escasos recursos económicos. O número de beneficiarios deste servizo aumentou como consecuencia da situación ocasionada pola pandemia do coronavirus.
A concelleira focense Ana Rojo explicou hoxe que “o Concello de Foz, desde a Área de Servizos Sociais e a través do Banco de Alimentos, estamos a dar soporte a 84 familias con nulos ou escasos recursos económicos. Debido á situación creada polo COVID-19, a perda de emprego, o peche da hostalería, comercios e mercados abocou a moitas familias á demanda do Banco de Alimentos, a maioría delas con bebés e nenos en idade escolar e en etapa de crecemento. É por isto polo que tratamos de dar máis cobertura nos alimentos, que xa se estaban a repartir, incidindo moito máis nos produtos frescos e con máis aporte nutricional, como as proteínas das carnes, do peixe e dos ovos , que se lles inclúen cada pouco no lote que se lles facilita. Tamén as vitaminas, que se encontran nas froitas e verduras, e ademais facemos moita incidencia no leite e noutros lácteos como os iogures e queixo. Tamén lles facilitamos o pan fresco do día e incluso menús preparados para levar, cociñados por restaurantes da zona e institucións de Foz que nolos fan chegar. Mañá mesmo entregaremos lotes de alimentos ás familias, nos incluirán mel entre outros produtos como patacas e cereais para os nenos”.
A edil de Servizos Sociais engadiu que “hai poucos días o Concello de Foz achegou en transporte para a comarca da Mariña 20.000 quilos de patacas e onte volveuse dispoñer dun transporte para traer 3 palés de plátanos para toda a Mancomunidade, e por descontado para Foz. E estanse facendo xestións, xunto co coordinador do Banco de Alimentos, para traer un transporte de carne que doa a Xunta de Galicia, para achegar ás familias esa carne de tenreira e cordeiro, que trataremos de entregarlles despezada e embolsada. Incrementamos tamén os produtos de hixiene, como xel e champú, papel hixiénico, cueiros de bebé e incluso tamén para adultos con incontinencia funcional. E ademais produtos de limpeza tan necesarios para os fogares como deterxente da lavadora, lixivia e fregapratos”.
Ana Rojo destaca que “se está a facer un esforzo importante e necesario desde o noso Concello, facilitando transporte para as achegas do Banco de Alimentos de Lugo, como se fixo nos meses de febreiro, marzo e abril de 8, 9 e 10 toneladas de froitas e verduras procedentes de Valencia e Murcia para a comarca da Mariña, incluído Foz”.
E rematou agradecendo desde o departamento de Servizos Sociais do Concello de Foz “a colaboración desinteresada de empresas, institucións e particulares co Banco de Alimentos do noso Concello. Grazas no nome do alcalde e no meu propio por estar aí dispostos a axudarnos da mellor maneira que saben, con parte do seu traballo”.
O Banco de Alimentos do Concello de Foz atende actualmente a 84 familias con escasos recursos económicos
Relacionado
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
