Viveiro, 5 de maio de 2020. O Concello de Viveiro reparte 3.000 mascarillas entre o comercio local para facilitar as medidas de prevención durante a primeira fase de reapertura dos establecementos.
Sabendo da necesidade que hai de mascarillas, o Concello de Viveiro adquiriu un cantidade importante de unidades e atópase neste momento á espera de recibir o pedido co material solicitado.
Así mesmo, recibiu mascarillas que son enviadas dende as distintas administracións e que son destinadas, primeiramente, a cubrir as necesidades propias dos traballadores municipais, debendo ter en conta, neste sentido, que acaba de incorporarse unha parte importante do persoal.
“Con todo, entendemos que os establecementos están comezando a retomar a súa actividade e dende o concello queremos facer a nosa achega”, explica a alcaldesa, María Loureiro.
Entregáronse ás dúas asociacións de comerciantes do municipio unha cantidade de mascarillas acorde co seu número de asociados: un total de 1.000 mascarillas para a Asociación Centro Comercial Casco Histórico e 500 unidades para a Asociación Beiras de Viveiro.
Ademais, destinarase a mesma cantidade de mascarillas, outras 1.500 unidades, para repartir entre os establecementos comerciais e de hostalería que non pertenzan a ningunha destas dúas asociacións.
Esta sería unha primeira entrega, nesta fase inicial, sendo a intención do concello seguir colaborando neste sentido, sempre que sexa posible, polo que posteriormente se poderá valorar se é viable realizar unha segunda entrega.
Todas aquelas empresas de hostalería ou de comercio que non pertenzan a ningunha destas asociacións e que necesiten mascarillas, poden solicitalas directamente ao concello enviando un correo electrónico ao enderezo concello@viveiro.es. No correo electrónico enviado debe facerse constar o nome da empresa e representante, de ser o caso, o enderezo do establecemento e teléfono de contacto; no asunto do correo debe indicarse ‘Solicitude Mascarillas’.
Entregaranse oito mascarillas por empresa e as solicitudes poden enviarse ata o vindeiro mércores, 13 de maio de 2020 (incluído). Finalizado o prazo referido, o material será entregado por persoal de Protección Civil no enderezo indicado na solicitude.
Coa entrega de mascarillas, tanto de forma directa como a través das asociacións, o concello de Viveiro pretende achegar o seu grao de area para colaborar con estes colectivos nestes momentos nos que se se comeza a retomar a actividade.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
