Ribadeo, 4 de xuño de 2020. O concelleiro de Medio Ambiente, Jorge Díaz, pide máis conciencia, máis xenerosidade social e máis civismo á veciñanza. O edil criticou o comportamento das persoas que a pasada fin de semana acudiron á área recreativa de Santa Cruz e deixaron espallado pola zona o lixo que xeraron. Díaz Freije asegura que si estas condutas non se corrixen “haberá que tomar medidas”.
O edil ribadense declarou que “esta fin de semana pasada houbo unha falta de civismo por parte de certa xente na área recreativa de Santa Cruz, un sitio precioso. Houbo xente que espallou todo o residuo que xerou, incluso guindando bolsas nas árbores”.
Jorge Díaz manifestou que “desde o Concello pode que non cheguemos a todos os lugares ao mesmo tempo, pero dáse a casualidade de que esa área estaba perfectamente accesible e desbrozada para o uso lúdico e público. Desde logo estou bastante desgustado con ese tipo de accións. O Concello, dentro das súas limitacións, chega a onde pode chegar tarde ou cedo, pero estase a traballar”.
O concelleiro de Medio Ambiente dixo que “non vexo sentido a este tipo de actos. Isto non é cousa de que haxa máis ou menos plantilla, senón que é cuestión de que todos temos que apoiar. É algo que ten que saír de cada un. Non podemos andar nestas alturas espallando todo por aí. Eu creo que hai que tomar máis conciencia social, máis xenerosidade social e moito máis civismo porque senón teremos que tomar outro tipo de medidas”.
Díaz Freije sinalou que “agora na fase 3, é unha desescalada un pouco máis light, que vai deixar facer outras cousas que non facíamos, eu volvo solicitar a cooperación máxima. Sen isto non podemos, non hai maneira de avanzar. Simplemente solicitamos ese apoio. Si se teñen que tomar medidas doutro tipo teremos que facelo. Non nos gusta, pola miña parte non me gustaría facer iso e volvo chamar á cooperación e a ese civismo que necesitamos para que todo siga ben”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
