Compostela, 4 de xuño de 2020. Galicia en Común-Anova Mareas criticou este xoves que o único interese que ten Feijóo pola situación da planta de Alcoa San Cibrao é empregala para facer campaña electoral, en lugar de ofrecer solucións ante a perda de máis de 500 postos de traballo directos e outros tantos indirectos.
A voceira do Grupo Común da Esquerda, Luca Chao, denunciou na sesión da Deputación Permanente da Cámara que o presidente da Xunta se agoche detrás do conselleiro de Industria e non acode a explicar a situación da planta de San Cibrao.
“Non ven porque non ten unha soa proposta concreta que poñer enriba da mesa, porque non sería quen de explicar por que en 11 anos non fixo nada”, indicou.
Chao, número dous pola A Coruña aos comicios do 12X, lamentou o comportamento de Feijóo durante as últimas semanas nas que en lugar de asumir responsabilidades polas consecuencias da pandemia en asuntos como o acontecido nas residencias de maiores, “dedicouse a dar mítins na televisión pública. Se hoxe tampouco está aquí, será simplemente porque segue en campaña electoral. Como estivo todo este tempo”, remarcou.
Xa na resposta á intervención do conselleiro de Industria, Chao trasladou o apoio de Galicia en Común aos traballadores e traballadoras de Alcoa e ás súas familias, e o compromiso da formación polo mantemento dos postos de traballo, lembrando que “as nosas compañeiras e compañeiros foron imputadas por defender algo tan esencial como o dereito ao traballo”. Incidiu, ademais, en que “lamentablemente a situación desta empresa non é nova, levamos anos sen que o goberno de Feijóo fixera absolutamente nada”.
A voceira chamou a non pasar por alto a responsabilidade do Partido Popular para chegar ata este punto, xa que “o cerne do problema é a venda da pública INESPAL a prezo de ganga en 1998 cando gobernaba o señor Aznar no Estado”. Ademais, “foi o PP quen lexislou o mercado eléctrico español para asegurar pingües beneficios aos seus amigos, que logo llos pagaron con cómodo asentos nos seus consellos de administración. Deses lodos, desa corrupción legalizada, dese capitalismo de amiguetes desde o BOE, tanta precariedade, dor e desemprego”, suliñou.
Polo tanto, afirmou, “a xente non vai esquecer que o PP leva once anos gobernando este país sen poñer enriba da mesa ningunha solución para Alcoa, nin que regalaron a empresa aos seus amiguetes a prezo de saldo”.
Chao tamén considerou que “ningún goberno pecha Alcoa, esta é unha decisión empresarial, pero é inaceptable porque se toma sen importar as consecuencias e temos que actuar”.
Neste sentido, sinalou que as deficiencias na actuación da Xunta vense en cuestións como os orzamentos, xa que en 2020 “a dotación deste grupo de políticas segue a estar un 21% por debaixo das dotacións previas á chegada de Feijóo á Presidencia da Xunta. Nos últimos anos, a Consellería de Industria vén ocupando, sistematicamente, o primeiro lugar no podio da inexecución dos orzamentos da Xunta. Só o ano pasado, quedaron sen executar case 200 millóns de euros na súa Consellería”.
Como consecuencia desta xestión, “non é de estrañar que durante os mandatos de Feijóo teñamos 20.000 empregos industriais menos na nosa Comunidade”, afondou Luca Chao. “Vostedes nunca tiveron unha política industrial para este país, recortaron os fondos en investigación e innovación tecnolóxica, non executan os orzamentos e sempre botan balóns fora cando se produce un problema, pero teño que lembrarlle que a Xunta ten competencias en materia de política industrial, artigo 30 do Estatudo de Autonomía, e non pode mirar para outra parte” concluíu.
Fronte a isto, convidou o conselleiro a sumarse ás propostas que leva feito Galicia en Común para achegar solucións, como a vinculación das axudas públicas industriais ao mantemento do emprego. Chao lembrou que o PP votou en contra cando se tratou esta medida no Parlamento “porque entre os beneficios empresariais e os dereitos das traballadoras e traballadores deste país vostedes sempre se poñen do mesmo lado”. Do mesmo xeito, instou a Xunta a apoiar o Goberno do Estado na petición de responsabilidades a Alcoa polas axudas de 38 millóns de euros que recibiu para manter o emprego.
A voceira tamén avogou por unha intervención pública para garantir os postos de traballo a través dun plan de rescate para a comarca da Mariña que permita a diversificación do emprego industrial de calidade. “Nós estamos a favor da intervención pública da economía para blindar ese emprego. A súa historia, pola contra, é a de intervir a economía para vendela a trozos aos seus amigos”. Todas as medidas propostas quedaron sen resposta por parte do titular de Industria.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
