Burela, 2 de xuño de 2020. A concelleira de Medio Ambiente, Toñi Eijo, fai unha chamada á responsabilidade na utilización das praias de Burela e pide que se cumpran estritamente as recomendacións realizadas polas autoridades sanitarias relativas ao distanciamento social e ás medidas hixiénico-sanitarias. De non ser así o Concello sancionará aos infractores.
A edil socialista sinala que “a vista do comportamento pouco responsable dunha minoría de persoas usuarias das praias do concello de Burela, e tendo en conta as concretas medidas hixiénico-sanitarias e de distanciamento social impostas polas autoridades sanitarias, esta Corporación Municipal apela á responsabilidade de todas e todos á hora de permanecer e desfrutar dos nosos areais, así como á hora de utilizar as súas instalacións e servizos (duchas, lavapés, etc.)”.
Toñi Eijo fai unha chamada “á responsabilidade das persoas usuarias das praias para que, en canto á práctica deportiva nos areais e na zona de baño, se faga de xeito individual e sen contacto físico, mantendo unha distancia mínima interpersoal de dous metros. Recordamos que, ata nova orde, non se poden practicar deportes de equipo, conxunto ou colectivos nas praias, a salvo do disposto en relación coas excepcións previstas nas normas sanitarias para as persoas deportistas federadas e profesionais”.
Sobre a permanencia e o uso praia a concelleira de Medio Ambiente indica que “ademais das medidas de seguridade e hixiene impostas pola autoridade sanitaria, debe manterse unha distancia mínima de dous metros entre as persoas, ou no seu caso, medidas alternativas de protección física, de hixiene de mans e uso de mascarillas. Os grupos de persoas non sobrepasarán o número de quince”.
Toñi Eijo advirte que “de persistir os comportamentos incívicos detectados nas praias de Burela, por parte dunha minoría de persoas usuarias, e de non seguir as recomendacións e ordes desta Corporación e das autoridades sanitarias, adoptaranse as medidas sancionadoras ou restritivas que procedan fronte aos mesmos en relación ao uso e desfrute das praias, e todo elo en defensa do interese superior da saúde pública das persoas usuarias e da cidadanía en xeral”.
A concelleira burelesa prega que “todas e todos actuemos con responsabilidade para que, neste proceso de transición cara a nova normalidade, non sexa preciso retroceder e volver a aplicar medidas de contención máis estritas e, polo tanto, que non sexa preciso ver que o enorme esforzo realizado pola nosa sociedade se vexa frustrado polo comportamento pouco reflexivo dunha minoría”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
