Foz, 15 de xuño de 2020. Os Alcaldes Socialistas da Mariña denunciaron este luns a política de despropósitos do Goberno de Feijóo coa apertura das praias en Galicia. “O PP imponnos máis persoal para controlar os accesos e tamén máis socorristas para atender as incidencias nas praias, pero ningunha destas medidas ven acompañada de axudas económicas para poder afrontalas. Unha vez máis a Xunta convida e os concellos pagan”, denuncian. Coas cifras enriba da mesa a Xunta pasou de financiar 78 socorristas para as praias da Mariña a 48 en dez anos.
Francisco Cajoto, Alcalde de Foz dixo que “o PP non aposta polo turismo, porque para nós este sector é algo máis que propaganda. En Foz podemos ver como pasamos de acadar 16 socorristas nas campañas de 2017 e 2018, a obter 6 na actualidade. Con este persoal non podemos garantir a seguridade básica das praias e a seguridade das persoas, e teremos que complementalo con fondos propios do Concello. Por iso hoxe é mais necesario que nunca feitos, investimentos e accións que contribúan a impulsar a mellorar a seguridades nas praias da Mariña, e non campañas de marketing e propaganda a que nos teñen acostumados desde Santiago”, dixo.
Similar caso ocorre en Burela tal e como denuncia o seu Alcalde, Alfredo Llano. “Por mor da pandemia do COVID este ano temos que incrementar de xeito moi significativo os accesos as nosas praias, e casualmente, o Goberno do PP concédenos os mesmos socorristas que na pasada tempada, nin máis nin menos. Isto é o interese que amosa o Goberno de Feijoo pola nosa saúde”. E insistiu “diante deste panorama como vamos a conservar as bandeiras azuis das nosas praias?”, lamentou.
María Loureiro, Alcaldesa de Viveiro dixo que segundo o IGE, a mariña lucense é a segunda zona de Galicia que máis turistas recibiu por habitante no 2019. “Pero para o PP este dato non deber ser moi relevante, xa que sendo dos Concellos que máis poboación recibimos en época estival este ano reduce os socorristas para vixiar e atender as nosas praias trala pandemia do COVID. No ano 2019 tiñamos 8 prazas financiadas pola Xunta, e este ano son 6, dúas menos. Este é a realidade e non hai outra, reduccións, recortes e desentenderse da nosa saúde”, remarcou.
EPIS e material sanitario
Pola súa banda a segunda tenente de Alcalde de Barreiros, Mari Carmen Veiga advertiu “que en dous anos, o noso Concello perdeu a achega económica equivalente para contratar a 13 vixiantes, cando temos 8.5 quilómetros abertos de praia. Ademais na pasada anualidade concederon 8 prazas de socorristas, este ano só 6. A todo isto hai que engadir que dende os concellos temos que realizar outro tipo de investimentos para atender as praias xa que os socorristas teñen que levar EPIS, así como diverso material sanitario. E hai que lembrar que Barreiros obtivo este ano 3 bandeiras azuis, onde é obrigatorio o servizo de salvamento”, remarcou.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
