Burela, 5 de xuño de 2020.- Dende o PP de Burela manifestan que, “no pleno ordinario deste xoves observamos como, definitivamente e sen ningún rubor, o Bng asumiu os postulados socialistas, cos que leva coqueteando dende principios de ano. Nesta ocasión para aprobar os presupostos máis represivos dos últimos anos para Burela”.
Os populares din que “os dous socios políticos que se dan de progresistas (Psoe e Bng), diminúen a dispoñibilidade orzamentaria en máis de 132.000 euros, con respecto ao ano pasado, e incrementan coa súa decisión a carga impositiva, concretamente nos capítulos referidos a impostos directos, indirectos e taxas en máis de 142.000 euros con respecto ao 2019”.
“E todo isto nun contexto de crise socioeconómica en Burela. Quedou demostrado que ao contrario do que queren trasladar sempre estes grupos políticos, os recortes, non son monopolio dunha única formación. Está claro que os recortes teñen nomes propios en Burela, Alfredo Llano e Mario Pillado”, indican dende o PP.
Os populares destacan que, “sorprendentemente o Bng, esta vez ignorando o informe técnico de intervención, apoiou uns orzamentos totalmente irregulares nos que o Sr. Llano volveu a ocultar información, posto que non presentou a memoria, asinada por alcaldía, que debe figurar obrigatoriamente no expediente do orzamento”.
Por outra banda, todo aquilo que dende a formación popular advertiron nos dous últimos plenos, empezou a tomar forma. Segundo din “presentouse a primeira, e por desgraza cremos que non será a última, solicitude de información, por parte dunha das empresas que participaron no concurso de recollida do lixo e limpeza viaria, que é o preludio para unha posible denuncia xudicial do mesmo”. Neste senso o Sr. Llano, “nunha actitude claramente belixerante afirmou que o concello ía tomar medidas legais”. “Dende o PP queremos entender que será para defender, chegado o momento, os intereses do Concello, non para impedir que as empresas que participaron no concurso de recollida do lixo, soliciten libremente a información que estimen oportuna”, remarcan.
A este respecto, explican, “todo isto pasa por non facer as cousas de forma axeitada dende alcaldía e polo consentimento expreso da formación nacionalista ante as trapalladas que leva a cabo o Sr. Llano”.
Finalmente, cunha comparativa que se podería catalogar como “biométrica”, o Sr. Pillado recoñeceu que o seu partido nunca tivo intención de municipalizar o servizo de recollida do lixo e isto “casa perfectamente co que levamos dicindo dende hai moito tempo, o Bng moito predicar pero ningún trigo a dar”, sentencian dende o PP.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
