Lugo, 28 de xullo de 2020. A Consellería de Economía, Emprego e Industria vén de conceder achegas por un importe conxunto de 924.000 euros a concellos e entidades sen ánimo de lucro para contratar persoal técnico que desenvolva labores de orientación laboral na provincia de Lugo.
As axudas aprobadas beneficiarán a 24 municipios lugueses e 13 entidades e permitirán realizar un total de 38 contratos. Estes apoios teñen por obxecto mellorar as posibilidades de ocupación das persoas demandantes de emprego e van destinados ao reforzo dos servizos de orientación laboral e asistencia para o autoemprego, como un instrumento para promover unha rede especializada na mellora da empregabilidade das persoas inscritas no Servizo Público de Emprego de Galicia.
Dos 38 profesionais, 14 desenvolverán as súas funcións nas administracións locais -algunhas delas concorreron agrupadas para solicitar a achega que lles permitirá contratar a unha persoa orientadora- e 24 nas entidades sen ánimo de lucro.
En canto aos concellos beneficiarios, hai sete na Mariña -Foz, Ribadeo, Viveiro, Burela e Cervo, este último agrupado con Alfoz e O Valadouro- e nove na Zona Sur -Monforte de Lemos, Carballedo agrupado con Chantada, Quiroga agrupado con Ribas de Sil e Folgoso do Courel, e Sober agrupado con Pantón e O Saviñao-. Tamén obteñen este apoio os concellos de Lugo, Sarria; o de Láncara agrupado co Corgo e Triacastela e por último, o concello de Ribeira de Piquín agrupado con Meira e Riotorto.
Pola súa banda, as entidades sen ánimo de lucro que reciben axuda para prestar este servizo en Lugo son a Federación de Asociacións de Persoas Xordas de Galicia; a UXT de Lugo, Viveiro e Monforte de Lemos; o colectivo Saúde Mental Feafes; Alar Galicia; a Confederación de Empresarios da provincia de Lugo; a asociación E-Deidades para a integración laboral e social da muller; a Asociación de Empresas de Transporte de Mercadorías por Estrada (Apetamcor); Cogami; a Asociación de Centros Homologados; Asociación de Industriais Metalúrxicos de Galicia (Asime); Fademga Plena Inclusión Galicia; a Fundación Laboral da Construción e a asociación Inserta Innovación.
Os programas de orientación laboral pretenden a mellora da empregabilidade e da cualificación das persoas desempregadas mediante información, diagnóstico individual, asesoramento, motivación e acompañamento nos proceso de acceso e cambios laborais, prestando especial atención aos colectivos con maiores dificultades de inserción.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
