Burela, 31 de xullo de 2020. O alcalde de Burela, Alfredo Llano, salienta que seguen baixando os casos positivos de Covid-19 na comarca, onde hai 42, dous menos que onte. Mentres en Burela continúan 20 casos positivos e 168 en seguimento.
O rexedor declarou que “os casos activos nos 14 concellos do distrito sanitario da Mariña son 42 positivos, dous menos que onte, e en seguimento hai 309, seis menos que onte. No caso de Burela, onde se viu que hai máis afectados, seguimos con 20 casos positivos, que son os mesmos que estes tres últimos días porque forman parte do mesmo vínculo do brote, e calculamos que en dez días estaremos a cero. Son casos moi controlados que están rematando a corentena. En Burela hai ademais 168 casos en seguimento do mesmo brote, 4 menos que onte, pouco a pouco vai recuperando a normalidade moita xente”.
Llano subliñou que “debemos estar satisfeitos no conxunto dos concellos da Mariña, tamén coas autoridades sanitarias e cos profesionais sanitarios. Fixemos un traballo conxunto responsabilizándose cada un da súa tarefa. Somos un exemplo claro e penso que un dos condicionantes para que a xente tome conciencia e veña á Mariña é a confianza que damos todos os concellos da comarca con respecto ao brote de Covid-19, confianza para a xente que vén de fóra porque ve que estamos facendo as cousas con seriedade; e creo que iso importa moito”.
O alcalde de Burela fixo fincapé en que “estamos satisfeitos porque estivemos traballando duro para controlar este brote. Hai unha satisfacción xeral porque van minguando os casos e esperamos que en pouco tempo teñamos a garantía de que xa non existe ningún positivo. Estamos todos de acordo en que debemos manter a garda, os protocolos e non confiarse excesivamente. Hai que buscar un punto de equilibrio no que convivan a situación sanitaria e a socioeconómica porque iso será moi importante. A ver se de forma indefinida podemos prolongar un bo estado, que é moi positivo para toda A Mariña”.
Alfredo Llano salienta o descenso de casos positivos de Covid-19 en Burela, onde seguen activos 20
Relacionado
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
