Viveiro, 15 de xullo de 2020. O Concello de Viveiro informa aos veciños e veciñas que, segundo a información facilitada na reunión con Sanidade que tivo lugar na mañá de hoxe, no Concello de Viveiro hai actualmente 11 casos confirmados de COVID-19.
Vista a ORDE do 15 de xullo de 2020 sobre medidas de prevención nos concellos de Alfoz, Barreiros, Burela, Cervo, Foz, Lourenzá, Mondoñedo, Ourol, Ribadeo, Trabada, O Valadouro, O Vicedo, Viveiro e Xove, como consecuencia da evolución da situación epidemiolóxica derivada do COVID-19, dende o goberno municipal quérese informar aos veciños e veciñas de Viveiro que en virtude do establecido con respecto á mobilidade, a partir das 00.00 horas do 16 de xullo de 2020, poderase circular sen limitacións por todos os concellos da Mariña, con excepción de Burela (onde se mantén a limitación para a entrada e saída, coas excepcións recollidas na Orde do 5 de xullo de 2020).
Consecuentemente, a partir das doce da noite de hoxe, calquera veciño ou veciña de Viveiro pode ir a calquera concello da Mariña (agás Burela), podendo desprazarse así mesmo fóra da comarca; do mesmo xeito, calquera persoa pode entrar en calquera destes concellos (con excepción do Concello de Burela).
Polo que atinxe ás medidas de prevención, mantéñense todas as previstas na Orde do 5 de xullo de 2020, referidas ao uso de mascarilla sempre; ás limitacións de aforo en grupos de persoas, eventos, establecementos ou terrazas e á reducción horaria en hostelería, entre outras.
As medidas establecidas na Ordes da Consellería de Sanidade de datas 5 e 15 de xullo serán obxecto de seguimento e avaliación continua e, en todo caso, nun período non superior a sete días naturais dende o día de hoxe.
Á vista do levantamento das restriccións establecidas nas Ordes da Consellería de Sanidade de datas 5 e 10 de xullo de 2020 e atendendo á evolución favorable da situación epidemiolóxica, o Concello de Viveiro acordou tamén o levantamento das medidas complementarias decretadas o 6 de xullo. Adoptáronse, en concreto, os seguintes acordos:
I.- Apertura dos parques infantís e biosaúdables municipais con data de efectos 16 de xullo, co aforo limitado de 4m2 por persoa.
II.- Apertura das instalacións deportivas municipais con data de efectos 16 de xullo, debendo cumprirse as medidas establecidas nos puntos 3.14 e 3.15 do Anexo da Orde do 5 de xullo de 2020 da Consellería de Sanidade.
III.-Apertura dos baños públicos e duchas existentes nas praias do municipio con data de efectos 17 de xullo.
IV.-Manter o aforo da biblioteca pública municipal ao 50%, para as actividades permitidas no punto 3.14 do Anexo da Resolución de 12 de xuño da Xunta de Galicia, debendo cumprirse coa distancia interpersoal e aforo establecido.
Ademais, mantense a limitación da capacidade das terrazas ao 50%, segundo o establecido no punto 3.8.3 do Anexo da Orde do 5 de xullo da Consellería de Sanidade da Xunta de Galicia.
Así mesmo, Protección Civil e á Policía Local, coa colaboración dos socorristas existentes en cada praia, continuarán controlando os accesos e capacidade das praias, co fin de asegurar que se poida respectar a distancia interpersoal de seguridade entre usuarios, procedéndose ao peche dos areais no suposto en que se detecten aglomeracións, ou incumprimento dos requisitos de capacidade e/ou distancia mínima interpersoal.
Dende o Concello de Viveiro apélase á concienciación e responsabilidade de todos os veciños e visitantes para o cumprimento das medidas de prevención establecidas para intentar evitar a produción de contaxios, entendendo que é necesario continuar extremando as medidas de precaución para seguir reducindo o número de persoas afectadas. Para isto, as Forzas e Corpos de Seguridade continuarán controlando de forma rigorosa o cumprimento destas indicacións.
Finalmente, quérese agradecer a todos os veciños e veciñas polo seu esforzo e transmitir unha mensaxe de tranquilidade, subliñando, como sempre, a importancia de usar mascarilla sempre, gardar a distancia de seguridade interpersoal e realizar unha coidada hixiene de mans.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
