Burela, 16 de xullo de 2020. O alcalde, Alfredo Llano, salientou que os positivos de Covid-19 seguen en descenso e hoxe están en 103. O rexedor anunciou que mañá o Concello realizará un cribado entre o persoal municipal máis vulnerable. Tamén mañá, ás 13:30 horas, será a xuntanza coa Acia local na que se analizará a fórmula para solicitar unha axuda especial para Burela co obxectivo de paliar as perdas económicas ocasionadas pola pandemia do coronavirus. Burela leva máis de dez confinadas.
O alcalde de Burela dixo que “despois da reunión que temos todos os días cos responsables de Sanidade vemos que todo vai avanzando máis ou menos segundo a previsión. Hoxe temos 103 casos positivos en Burela, o que significa que son 13 menos que onte. A ver se imos logrando que se manteña esta rebaixa, e incluso que se poida superar, que sempre é moi satisfactorio para o obxectivo de rematar con cero positivos e cero confinados”.
Alfredo Llano anunciou que “mañá imos facer un cribado para todo o persoal do Concello que teña certa vulnerabilidade ou que estea atendendo ou en contacto con moita xente como son a Policía Local ou a xente do SAD, e todos aqueles que poidan ter algunha incidencia. Imos facer os cribados e esperamos que dean todos negativo”.
O rexedor engadiu que “tamén mañá imos ter unha reunión coa Acia, á unha e media, acompañados de persoal técnico do Concello para ver que criterios podemos establecer para facer unha solicitude formal de cara ás axudas concretas para todo o sector comercial e empresarial, porque realmente levamos moitos días de confinamento e iso xa empeza a ser moi preocupante”.
O Alcalde de Burela subliñou que descenden os casos positivos de coronavirus. Este xoves rexístranse 103. O Concello fará este venres un seguimento do persoal municipal máis vulnerable
Relacionado
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
