Lourenzá, a 31 de xullo de 2020. O Partido Popular de Lourenzá denuncia que o goberno local incumprise a regra de gasto “sen ningún motivo xustificado”, e atribúen esta cuestión á unha mala xestión dos fondos municipais por parte do executivo socialista. Así llelo trasladaron os populares no día onte á alcaldesa durante a celebración da sesión plenaria, onde indicaron que, logo de estudar o plan económico financieiro, se observan “desfases económicos claros”. É o caso das partidas orzamentarias de 2019 e a de gastos reais do Servizo de Axuda no Fogar que, malia estar dotadas con 60.000 euros, a entidade local gastou un 75% máis, é dicir, máis de 105.000 euros.
Dado que a atención a domicilio é unha prestación esencial, dende o PP entenden que se queira cumprir cos veciños aumentando o gasto, pero o que non consideran de recibo é que, nesta prestación, onde houbo baixas de persoal e a entidade local recurreu á empresa privada en vez de organizar esta prestación con profesionais contratados polo Concello.
Froito desta deficitaria xestión é tamén que non se solicitase este ano a brigada contraincendios, que permite, ademais do propio servizo que leva implícito, a creación de emprego no municipio. “Non cremos que estean os tempos para andar renunciando a dar emprego á xente e, moito menos, gastar 7.000 euros en reparar a carroceta que temos e que non serve, cando a Xunta de Galicia pon a disposición do Concello a posibilidade de contratar brigadistas e os medios técnicos para facer este traballo”, destacan.
A este respecto, o voceiro popular, Francisco Javier Rodríguez Barrera, engade: “parécelles moito gastar 18.000 euros para dar emprego a sete persoas pero non aumentar un 39% as retribucións dos órganos de goberno, cun custe a maiores no orzamento de 16.000 euros no último semestre do ano 2019”, manifesta.
Desfase nas partidas de festas
Outro dos argumentos polos que dende o PP se reproba que os socialistas incumprisen a regra de gasto é polo aumento desproporcionado nas partidas referentes a actuacións e espectáculos como a Festa da Faba. Estas tiñan un orzamento total de 56.000 euros, pero a entidade local gastou 85.800; o que supón un 54% máis.
O goberno local “sae moi caro aos laurentinos”
“Vemos que o servizo de desbroce municipal está anulado, no que se lle pagou a Trabada máis de 36.000 euros por ter un tractor parado e lle contrataron traballos deste tipo a empresas privadas que, seguramente, tampouco estaban orzamentados; o que supón máis gasto por un servizo cunha xestión nefasta. Coas festas gastaron máis, coa Axuda no Fogar tamén… En definitiva, temos a sensación de que no primeiro semestre gastaron máis para gañar unhas eleccións e, no segundo, se adicaron a celebralo con festas e subidas de soldo á conta de todos, por suposto”, apunta Barrera quen defende que “problema non é subirse o soldo, o problema é que o seu traballo non xustifica esta suba e visto o realizado, este goberno sáenos moi caro aos laurentinos”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
