Lugo, 7 de xullo, 2020. As candidatas do PPdeG ás eleccións autonómicas pola provincia de Lugo, Cristina Sanz e Encarna Amigo, participaron este martes acompañadas da tamén candidata pola provincia da Coruña, Carmen Pomar, nunha visita ás localidades de Outeiro de Rei e Rábade. Alí destacaron “o esforzo inversor do Goberno de Feijóo nos últimos anos para actuar nas infraestruturas educativas” e puxeron como exemplo “do compromiso do Goberno Feijóo coa educación pública o investimento de máis de 30 millóns de euros no último mandato para a mellora de colexios e institutos da provincia”.
As populares explicaron que entre as actuacións previstas para desenvolver neste 2020 na comarca de Lugo, atópanse as obras de mellora do CEIP Laverde Ruiz de Outeiro de Rei e do CEIP Otero Pedrayo de Rábade para as que o Goberno galego dirixe medio millón de euros: 250.000 euros para sufragar a mellora de cada un dos centros.
As actuacións no colexio de Outeiro de Rei consistirán na substitución da carpintería exterior, os falsos teitos e a instalación de luminarias LED tanto no edificio principal coma no edificio de infantil onde, ademais, están previstas outras melloras no seu interior xunto á aplicación de pintura na súa fachada.
A mellora do CEIP Otero Pedrayo de Rábade consistirá no cambio de cubertas por unhas de panel sándwich con canlóns e baixantes, o arranxo da cuberta do patio interior, os baños, o peche do pavillón onde se colocarán luminarias, chan de PVC nas aulas, substitución da carpintería interior e aplicación de pintura nas zonas comúns.
“O Goberno de Feijóo está a traballar da man da comunidade educativa dirixindo, cada ano, orzamento para a mellora dos numerosos centros educativos galegos co obxectivo de mellorar a funcionalidade e a eficiencia enerxética das súas infraestruturas, entre outras actuacións de mellora que poidan ser necesarias en cada centro”, segundo defenden as populares.
Estes esforzos en materia de infraestruturas complétanse co novo Plan de infraestruturas educativas para o período 2021-2025 que, adoptando un enfoque medioambiental, permitirá “a modernización e adaptación ás novas realidades”, engadiron.
Así mesmo, e trala implantación de iniciativas innovadoras no eido educativo, “o Goberno de Feijóo continuará traballando para adaptar o noso sistema educativo e de FP aos vertixinosos cambios que experimentarán os mercados de traballo” apostando por unha estratexia de transformación dixital do ensino non universitario de Galicia.
ENCONTRO SOBRE IGUALDADE EN VILALBA
As candidatas do PPdeG ás eleccións autonómicas do vindeiro domingo 12 de xullo pola provincia de Lugo Sandra Vázquez e Susana López Abella participaron, pola súa banda, nun encontro con representantes de distintas asociacións de Vilalba. Continúan así a escoitar aos distintos colectivos sociais da nosa provincia “recollendo as súas propostas para poder traballar da man na procura do benestar”.
Tamén trasladaron ás persoas participantes o programa de traballo do Goberno de Feijóo en materia de igualdade e conciliación. Neste sentido, lembraron a posta en marcha do Bono Concilia dentro dun paquete de medidas extraordinarias para facer fronte á situación de emerxencia sanitaria que favorece a achega de 500 euros ao mes ás familias para axudar ao coidado dos fillos menores de 12 anos.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
