Burela, 14 de agosto, 2020. Esta fin de semana estase a completar a cuarta etapa de “Orixe & Destino Galicia”, unha campaña da Organización de Produtores Pesqueiros de Lugo e Paradores que ten lugar durante 10 semanas nos restaurantes da rede de Paradores de Turismo de España ubicados nas diferentes rutas do Camiño de Santiago.
A campaña combina a gastronomía, a calidade dos produtos pesqueiros da lonxa de Burela, a rede de Paradores e o Camiño Xacobeo. As principais protagonistas son dúas das especies máis importantes da lonxa de Armadores de Burela, que tamén colabora nesta iniciativa: a pescada do pincho e o bonito do norte.
Esta acción promocional baséase na importancia da “Orixe e Destino Galicia”, xa que a pescada e o bonito saen do porto de Burela e volven a Galicia seguindo o Camiño de Santiago a través dos restaurantes de paradores que están ubicados nas diferentes rutas xacobeas: o Camiño Mozárabe, a Vía da Prata, o Camiño de Madrid, o Camiño Norte, o Camiño Francés e o Camiño de Fisterra.
A “Ruta Xacobea do Bonito de Burela” comezou o pasado 23 de xullo no Parador de Santiago de Compostela coa receita de “Bonito de Burela asado con aguacate”. Nas seguintes semanas visitou os Paradores de Olite (Navarra) e Santillana del Mar (Cantabria), onde se ofreceron “Bonito de Burela en escabeche” e “Bonito de Burela con pisto de verduras”, respectivamente. O Parador de Villafranca del Bierzo (Castela e León) celebra estes días a cuarta etapa do Camiño, na que se pode degustar “Bonito de Burela en escabeche frío con vinagreta de piparra emulsionada e alga wakame”.
Tras esta cuarta etapa do Camiño o Bonito do Norte dará paso á Pescada de Burela, xa que a vindeira semana comeza a “Ruta Xacobea da Pescada do Pincho de Burela”, que se alargará durante outras 6 semanas con outros tantos Paradores e novas receitas gastronómicas: Granada, Mérida, Segovia, Cangas de Onís e Costa da Morte, para completar este Camiño de Santiago no Parador Hostal dos Reis Católicos en Compostela o próximo 27 de setembro.
Esta acción enmárcase dentro das accións de promoción de OPP Lugo incluídas no seu Plan de Produción e Comercialización anual e contan coa cofinanciación da Xunta de Galicia e o Fondo Europeo e Marítimo da Pesca.
A “Ruta do Bonito de Burela” da paso á “Ruta Xacobea da Pescada do Pincho”
Relacionado
-
Medio Rural reafirma a súa aposta pola conservación e impulso das razas autóctonas na Feira de Gando de Augaxosa en Riotorto
-
O BNG denuncia que o Centro de Saúde do Valadouro volve quedar cun só médico tras dous anos de recortes
-
O CFEA Pedro Murias de Ribadeo arrinca o curso cun novo ciclo superior e récord de estudantes
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
