Burela, 3 de agosto de 2020. Constituído no Concello de Burela un sistema de control para garantir que Urbaser, a concesionaria do servizo de limpeza, cumpra coa totalidade das melloras que incluíu no seu contrato. O concelleiro de Obras e Servizos, Ramiro Fernández Rey, comentou que a cidadanía pode estar tranquila “porque en caso de que haxa algún tipo de incumprimento, evidentemente váiselle descontar da factura”.
O edil burelés explicou que “no Concello de Burela mantivemos unha xuntanza técnica entre a firma auditora que vai facer o seguimento da empresa de limpeza máis o técnico municipal que tamén vai auditar a oferta que presentou a empresa que gañou a licitación do servizo de limpeza, que é Urbaser, para garantir que esa oferta que fixo e todas as melloras que propuxo para o servizo se fagan efectivas e teñan un seguimento e un control”.
Fernández Rey dixo que “este sistema que estamos utilizando, que ía incluído nos pregos técnicos de contratación, é o mesmo que seguimos coa anterior licitación, cando a empresa concesionaria era Geseco, e trátase de garantir que todo o que ofertou Urbaser se leve a cabo e que non haxa ningunha desviación con respecto a esa oferta”.
O concelleiro de Obras e Servizos indicou que “a anterior concesionaria houbo un tempo no que non tivo contrato porque estaba caducado e tivemos que paralizar a contratación do servizo por culpa dun par de reclamacións, unha delas do Partido Popular, o que nos paralizou o proceso”.
Ramiro Fernández subliñou que “o que queremos é darlles tranquilidade aos veciños porque o servizo vai estar controlado, vaise prestar conforme á oferta que fixo Urbaser e garantir que se está pagando realmente polo servizo que se presta”.
E lembrou que “cando chegamos ao goberno, no 2015, tíñamos unha empresa que tivemos que expulsar, Celtaprix, que entrou en concurso de acredores e á cal non se lle facía ningún tipo de seguimento e non se garantía de ningunha maneira que facía realmente o servizo. Por iso cando nós tivemos a oportunidade de sacar a licitación o primeiro contrato, que foi o de Geseco dun ano máis outro de prórroga, quixemos establecer este sistema de control porque entendemos que garantiu que non houbera ningún tipo de fraude no contrato. E agora seguimos con este sistema e Urbaser vai ter dúas auditorías, unha externa e outra interna, de técnicos municipais, que evidentemente van estar en contacto e van facer un traballo conxunto. Polo tanto os veciños e as veciñas de Burela poden estar tranquilos porque en caso de que haxa algún tipo de incumprimento por parte de Urbaser, evidentemente váiselle descontar da factura todo aquel traballo que non faga dos que a propia empresa ofertou nos pregos técnicos”.
Constituído no concello de Burela un sistema de control para garantir que Urbaser cumpra coa totalidade das melloras que incluiu no seu contrato
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
