Lugo, 13 de agosto de 2020. A subdelegada do Goberno, Isabel Rodríguez, mantivo esta tarde unha xuntanza de coordinación cos mandos da Garda Civil e a Policía Nacional na provincia de Lugo para analizar as novas directrices aprobadas pola Xunta de Galicia sobre a xestión e control do COVID-19. Na xuntanza, celebrada esta tarde na Subdelegación do Goberno, participaron o coronel xefe da Comandancia da Garda Civil, Miguel Ángel González Arias, e o comisario xefe provincial da Policía Nacional, José María Esteban Corral.
A reunión foi convocada pola subdelegada para coordinar a actuación das forzas e corpos de seguridade do Estado na provincia, tendo en conta as novidades introducidas e tratando de velar polo cumprimento do establecido pola Xunta no territorio da provincia de Lugo.
Os responsables da Policía Nacional e da Garda Civil lembraron que ambos os dous corpos de seguridade veñen traballando con intensidade durante as últimas semanas na provincia, logo do remate do estado de alarma sanitaria, ao tempo que insistiron no seu compromiso para manter e intensificar a súa acción tras a entrada en vigor das novas medidas.
Así llo trasladou tamén a subdelegada do Goberno, que fixo especial fincapé no reforzo dos posibles dispositivos durante a vindeira fin de semana, nunhas datas nas que se rexistra o maior número de actividades festivas de todo o ano, co que supón de concentración de persoas na meirande parte dos concellos da provincia.
Tendo en conta a previsión de numerosas reunións familiares e festivas durante esta fin de semana, ademais de insistir en medidas como a obrigatoriedade do uso da máscara, tamén se tratou sobre a organización, por parte da Garda Civil, da posta en marcha de operativos para o control do tráfico e de alcoholemia xa que se prevé a posibilidade de que se produzan desprazamentos por estrada para gozar de actividades de ocio nocturno.
Ademais, na xuntanza abordouse a necesitade de extremar todas as medidas relativas ao cumprimento da distancia social, así como as recomendacións en materia de protección sanitaria. Neste sentido, considerouse necesario facer unha apelación á cidadanía para manter a necesaria e imprescindible responsabilidade individual para seguir avanzando na loita contra o COVID-19.
A subdelegada do Goberno destacou que “temos que ser quen de cumprir as normativas e recomendacións sanitarias para non ter que retroceder polo feito de querer ir moi a présa”. Así, explicou que aínda queda moito por facer e lembrou que é imprescindible non baixar a garda porque a batalla contra o coronavirus non acabou.
Ademais, a subdelegada reiterou a súa gratitude e recoñecemento polo gran esforzo desenvolvido durante todos estes meses a todos os Corpos e Forzas de Seguridade do Estado, Policía Nacional, Policía Nacional Adscrita, Garda Civil, policías locais, así como ás agrupacións de Protección Civil da provincia de Lugo, aos que eloxiou polo traballo realizado tanto durante o estado de alarma sanitaria como durante o proceso chamado de nova normalidade, no que as competencias e responsabilidades da xestión sanitaria recaen directamente na Xunta de Galicia.
Rodríguez recalcou que o seu compromiso coa sociedade lucense demostra, unha vez máis, que constitúen un piar básico do noso Estado de Benestar, ademais de ser garantes da seguridade individual e colectiva. “Son un exemplo de rigor e de profesionalidade que merece o noso recoñecemento”, manifestou a subdelegada, ao tempo que lles pediu que sigan a manter o mesmo nivel de responsabilidade e dedicación ao benestar da cidadanía.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
