Ribadeo, 13 de agosto de 2020. O 65% do comercio asociado a Acisa abrirá as súas portas este sábado, 15 de agosto, festivo nacional. E o domingo, como é habitual, estarán abertos o 100% dos locais.
Desde a directiva de Acisa sinalan que “aqueles que se acheguen a Ribadeo esta fin de semana poderán, entre outras cousas, aproveitar para facer as súas compras no noso comercio asociado. O 65% dos locais comunicáronnos que abrirán as súas portas o 15 de agosto, que é festivo nacional. Xa o domingo, como é habitual, estarán abertos o 100% dos locais. O 16 de agosto é o Día de San Roque, copatrono de Ribadeo, e ao coincidir en domingo esta celebración o festivo pasouse para o martes de Entroido. Entón, insistimos en que o vindeiro domingo todo funcionará con normalidade en Ribadeo”.
A directiva da Asociación de Comerciantes, Industriais, Servizos e Autónomos anima “a visitar Ribadeo esta fin de semana e así aproveitar para mercar roupa, calzado, artigos deportivos ou de praia, agasallos, complementos, produtos de informática, etc. O que se achegue á nosa vila poderá atopar de todo”.
Desde a xerencia de Acisa, Jesús Pérez, indica que “esta semana desde a asociación, ao non tratarse o 15 de agosto dun día de peche obrigado, consideramos oportuno facer unha consulta entre os nosos asociados e asociadas para saber aqueles que abrirían as súas portas. Despois de comprobar que a porcentaxe era elevada, consideramos oportuno promocionar que en Ribadeo esta fin de semana estaremos abertos para recibir aos turistas e aos veciños e veciñas de toda a comarca mariñá e asturiana”.
E subliña que “queremos facer fincapé en que o 16 de agosto tamén estará aberto o comercio, xa que este ano non é festivo local o día de San Roque por coincidir en domingo, e moita xente cre que si”.
O presidente do colectivo empresarial ribadense, Francisco Iriarte, insiste en que “é importante que desde Acisa difundamos ao máximo a apertura dos nosos negocios este sábado porque a lei así o permite. Moitas e moitos así nolo estaban a pedir, xa que o pasado 25 de xullo tivemos que pechar porque a lei así o dicía. Estamos nuns meses e nun verán atípico e temos que aproveitar para traballar sempre que sexa posible”.
O 65% do comercio asociado a Acisa abrirá as súas portas este sábado, 15 de agosto, festivo nacional. O domingo, como é habitual, estarán abertos o 100% dos locais
Relacionado
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
