Lugo, 18 de setembro de 2020.- A vicepresidenta da Deputación de Lugo, Maite Ferreiro, e a concelleira de Cultura de Ribadeo, Pilar Otero, asinaron un convenio para financiar as obras de acondicionamento da Casa do Viejo Pancho, ubicado no casco histórico ribadense.
No edificio, casa natal do poeta ribadense José Alonso Trelles, emigrado a Uruguai, habilitaranse e póranse en valor espazos pensados para preservar os fondos bibliográficos doados polo dramaturgo Daniel Cortezón, para o desenvolvemento de diversas actividades culturais, e como sala de exposicións onde se albergarán as figuras orixinais dos cabezudos.
Pilar Otero sinalou que “o acondicionamento do edificio supón que tanto a área de Cultura como os distintos colectivos socioculturais conten cun espazo adecuado para desenvolver a súa actividade en condicións dignas”. “Ademais, o feito de habilitar un espazo como sala de exposicións de seguro axudará a dinamizar o uso deste lugar en particular e da área do centro histórico en xeral”, engadiu a concelleira quen agradeceu a colaboración da área de Cultura da Deputación de Lugo.
Maite Ferreiro explicou que “a implicación neste proxecto responde a aposta que facemos desde a área de Cultura para dinamizar a actividade cultural e mellorar as condicións en que as asociacións de base desenvolven o seu labor. Neste caso, trátase ademais dun edificio que, ademais do seu valor funcional, ten un valor patrimonial xa que forma parte do casco histórico”
A área de Cultura da Deputación de Lugo achega 20.000 euros á reforma do edificio.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
