Viveiro, 27 de outubro de 2020. O Concello de Viveiro restableceu a actividade do mercado quincenal sito na circunvalación o pasado 1 de outubro mediante un sistema de quendas, polo que a metade dos postos asistirían o día 1 de cada mes e a outra metade, o terceiro domingo.
Por parte deste concello, atendendo ás peticións realizadas dende o colectivo de vendedores ambulantes que veñen exercendo a súa actividade neste mercado, decidiuse modificar este sistema establecendo quendas rotativas para que todos poidan acudir a este mercado en ambas datas, segundo lles corresponda en cada mes, de xeito que se poidan seguir mantendo as medidas de seguridade e que se poidan ir realizando rotacións.
Dende o concello lémbrase que tanto no mercado semanal como no mercado quincenal se deben cumprir as medidas e limitacións establecidas pola Xunta de Galicia en canto a distancias, aforos, etc.
Neste sentido, en canto ao mercado semanal, modificouse o seu emprazamento, buscando unha ubicación alternativa e céntrica que permitise a colocación de todos os postos gardando as distancias de seguridade, polo que se vén celebrando nos Xardíns Noriega Varela.
No caso do mercado quincenal, ao non ser posible a súa reubicación nun espazo céntrico de maiores dimensións, restableceuse a súa actividade mediante o sistema de quendas referido que, a partir de agora, será rotativo.
“Entendemos que os vendedores están pasando por momentos complicados. Pero nesta situación de crise sanitaria, temos que tomar todas as medidas establecidas polas autoridades sanitarias”, informa o concello.
Dende o Concello de Viveiro barallane todas as alternativas para manter ambos mercados. Mentres estas medidas sanitarias estean en vigor e mentres dure esta situación, “teremos que deixalo así, coas medidas de distancia esixidas e que, dende o concello, compartimos por que ante todo e o máis importante é a saúde dos nosos veciños e veciñas”.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
