Lugo, a 25 de outubro de 2020. O grupo provincial popular dá un paso máis no seu intento de que a delegación de Vías e Obras da Deputación funcione axeitadamente, para que manteña en boas condicións as estradas provinciais, esenciais para a adecuada vertebración da provincia. Despois da crítica feita ao presidente da Deputación, José Tomé, porque, no seu papel como responsable directo de Vías e Obras, non é capaz de manter as estradas en bo estado e de pedirlle que renuncie a desempeñar esta delegación, agora o PP propón a quen considera a persoa idónea, dentro do equipo de José Tomé, para asumir esa importante delegación. O portavoz provincial dos populares, Javier Castiñeira, sinala: “Dende o grupo provincial do PP entendemos que a persoa máis axeitada para levar a delegación de Vías e Obras, que actualmente está abandonada polo alcalde de Monforte e presidente da Deputación, José Tomé, é o señor Roberto Fernández Rico, alcalde de Ribeira de Piquín”.
Castiñeira explica o porque da súa proposta: “Entendemos que esta persoa é a adecuada por varios motivos: por un lado, porque leva unha delegación menor (Recursos Sostibles), que é moi pouca delegación para alguén xove que podería dedicarse moito máis á Deputación de Lugo. Por outro lado, porque a día de hoxe esa delegación está absolutamente abandonada polo propio presidente da Deputación, que prefire atender, como é lóxico, á presidencia da Deputación e tamén á alcaldía de Monforte, a costa de abandonar a rede viaria máis extensa das provincias de España; isto último non o dicimos nós, senón o propio presidente Tomé”.
O portavoz popular destaca: “Para unha rede viaria tan extensa necesítase un delegado ao 100%. Cremos que este alcalde, xove e que está nunha delegación provincial menor, podería facer un traballo moitísimo mellor que o señor Tomé. Poderíase dedicar a coñecer o estado das estradas e a velar polo seu mantemento. Pero, por riba de todo, podería escoitar a todos aqueles alcaldes que están pedindo melloras en estradas provinciais que pasan polos seus concellos, que vertebran a provincia e que a día de hoxe non están ben atendidas. Por todo iso, esta é a nosa proposta”.
Castiñeira fai un chamamento a José Tomé: “O presidente da Deputación é un veterano e sabe que é de sabios rectificar a tempo e neste caso é unha rectificación necesaria; a persoa adecuada para esa delegación é, dentro do equipo do presidente na Deputación, o alcalde de Ribeira de Piquín, Roberto Fernández Rico”.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
Sinopse: Cando chega a noite e nós durmimos, a Lúa asoma polas fiestras e goza dos nosos soños. Así descobre historias máxicas, tolas e divertidas. Os seus soños favoritos son os de Calcetín, un personaxe amante da lectura e cunha imaxinación desbordante. Viaxa entre estrelas, pilota un zapato que percorre os mares ou chega ao mundo do revés. Unha proposta chea de fantasía e creatividade para fomentar o gusto pola lectura entre os máis pequenos.
Na presentación participaron o delegado territorial da Xunta, Javier Arias; o Deputado de Cooperación e Asistencia aos Concellos, Xosé María Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
