Cervo, 30 de novembro de 2020. A Asociación de Axuda ó Enfermo Mental “A Mariña” presenta un cambio na súa estrutura organizativa coa fin de reforzar cada servizo, creando novos mandos intermedios que coordinarán especificamente a atención en cada un dos dispositivos que ten a entidade. Para iso, a asociación conta con profesionais con ampla experiencia na saúde mental e moi comprometidos tanto coa misión e visión da entidade como con cada un dos seus valores.
María José Nóvoa, directora técnica xeral da asociación “A Mariña”, indica que para ela “é un orgullo seguir liderando un equipo de profesionais de alta capacitación profesional e persoal, involucrado sempre no servicio ó colectivo”. A todos eles agradécelle, ademais, o esforzo demostrado durante estes últimos meses de pandemia, sinalando que “a súa profesionalidade levounos a vivir esta situación dende a empatía, o compromiso, o entusiasmo e o sorriso permanente, estando ao servizo dos usuarios e as súas familias coma sempre o fixeron e, ao mesmo tempo, como nunca”, valora.
Este cambio organizacional suporá unha oportunidade de crecemento persoal e profesional para os novos responsables dos dispositivos, os cales estiveron formándose e preparándose para a ocasión durante os últimos meses. Os novos responsables asumen este reto con ilusión e compromiso para seguir garantindo a mellor atención ás persoas usuarias e ás familias.
Estas melloras favorecerán, ademais, unha maior proximidade e coordinación de cada centro, posto que están espallados por distintas zonas da comarca mariñá. “A Mariña” conta actualmente con dous Centros de Rehabilitación Psicosocial e Laboral en Burela e en Ribadeo, unha Unidade Residencial en Cervo, un servizo de piso tutelado en Burela e unha vivenda protexida para mulleres vítimas de violencia de xénero con enfermidade mental.
Esta nova etapa da asociación vén acompañada doutros dous acontecementos importantes para “A Mariña”. Por unha banda, o 1 de decembro asinarase co Sergas un novo concerto de prazas, o cal permitirá seguir dispoñendo do financiamento necesario para manter un total de 75 prazas nos seus centros.
Por outra banda, ese mesmo día, a asociación estrea a súa nova páxina web www.adaoemam.es, a cal contará con información actualizada e de utilidade sobre “A Mariña” e permitirá amosar con transparencia o traballo que realiza a entidade. A presentación deste novo espazo web é unha aposta pola comunicación externa e por tratar de chegar a cada vez máis xente que poida beneficiarse dos servizos da asociación.
A Asociación de Axuda ó Enfermo Mental A Mariña naceu en 1999 e foi fundada por familias que uniron os seus esforzos para loitar por un obxectivo común: lograr que ás persoas con problemas de saúde mental e ás súas familias se lles preste unha axuda e asistencia continuada, buscando a súa integración na sociedade e traballando, para iso, na súa rehabilitación psicosocial e laboral.
Actualmente conta con máis de 200 socios colaboradores e con arredor de 90 usuarios, que se benefician dos servizos prestados nos Centros de Rehabilitación Psicosocial e Laboral de Burela e de Ribadeo, na vivenda tutelada para mulleres víctimas de violencia de xénero , na Unidade Residencial de Cervo e no piso protexido .
A asociación de saúde mental “A Mariña” comeza unha nova etapa reforzando a atención específica en cada un dos seus centros
Relacionado
-
Mondoñedo acolleu este sábado a XII Xornada Anual da SOGAMP, centrada nos retos da medicina preventiva
-
A Xunta impulsa en Ribadeo a celebración do foro ‘España Verde: un destino de calidade’ para reforzar a oferta turística da Mariña
-
Barreiros será sede do curso “Emprender no sector turístico na Mariña Lucense” do 6 ao 9 de xullo
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
