Foto de arquivo
Muras, 22 de novembro de 2020. Celebrada o pasado sábado 14 de novembro en O Viveiró, a cata foi o mellor escaparate para fomentar a calidade do mel dos apicultures murenses, representantes do inmenso potencial dos produtos dunha zona con condicións especiais.
Os seis catadores que asistiron -Antonio Díaz, José Luis Cuba, Julio Trigo, Cristina Pérez Pico, Elena López e Cristina Martínez-, destacan que a calidade dos meles deste ano “foi moito mellor que en edicións anteriores” todos meles distintos entre sí e con matices tanto nos monoflorais como multiflorais. “Estase decantando e filtrando moito mellor” polo que este 2020, malia as súas especiais circunstancias, pode marcarse como un fito na mellora da produción local e no camiño á profesionalización dos produtores da zona, unha trintena deles membros da Casa do Mel Goente As Pontes.
Dende esta casa do Mel felicítanse de que “cada ano haxa maior participación e máis xente na cata”, mentres lembran que na mellora desta calidade tamén inflúe a formación que reciben os apicultores, “estamos moi contentos do mel que tivemos. Pero agora hai que darlle un xiro máis para seguir avanzando e diferenciarse”, afirman. O obxectivo, ademais, é conseguir que o mel non sexa só un complemento á renda do produtor senon a fonte principal de ingresos.
Tamén dendo o concello de Muras están moi satisfeitos do acadado, xa que conseguiron manter a cata malia ter que cancelar a Feira do Mel por motivos sanitarios. O tenente de alcalde e Concelleiro de Medio Rural, Mario Rouco, explica que a cata fíxose igualmente “porque o mundo segue malia a Covid19, as abellas seguen a facer mel”. Ademais é un “recoñecemento ao traballo dos apicultores que seguiron traballando”. “Este é o camiño a seguir”, continúa Mario Rouco, “e agora queda a difusión e o diferenciármonos co noso mellor mel. Parabéns a todas e todos polo acadado e porque nestes tempos o mundo do mel siga adiante”.
O gañador co Mellor Mel Monofloral foi José Antonio Permuy cun mel colleitado en Ambosores (Muras) e a finalista co seu Mel Monofloral de Breixo foi Gemma Pena Rodríguez, por un mel colleito en Muras. Se ben a entrega dos premios estaba prevista facela o venres 20, foi adiada pola situación sanitaria, pero os apicultores poden recoller as analíticas das súas mostras no concello ou ben chamar para que se lles envíe “e evitar desprazamentos innecesarios”, explica o concelleiro de Medio Rural. A entrega destes merecidos recoñecementos farase en canto a situación causada polas restriccións o permita.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
