Barreiros, mércores 16 de Decembro de 2020. O Concello de Barreiros vén de presentar un evento deportivo virtual, que se desenvolverá entre o 21 e o 31 de decembro, no que haberá unha vertente solidaria e outra de dinamización do comercio e hostelería locais.
Para este fin, o Concello de Barreiros destina 3000 euros de fondos propios para converter os 6000 km en cheques regalo por ese valor (0,50 euros por km) entre as persoas que participen na proba, que posteriormente terán que ser utilizados nos comercios locais que colaboren co proxecto. “Cantos máis quilómetros se aporten individualmente nas distintas categorías máis oportunidades se terán de conseguir algún destes cheque regalo”, explica Dani García.
A proba consistirá no reto colectivo de sumar 6000km camiñando, correndo ou en bicicleta e para participar nela estará aberta a inscrición entre o 17 e o 27 de decembro en https://maiskmsbarreiros.com. ou na app oficial; onde tamén se poden consultar as bases da mesma.
No caso dos establecementos que queiran tomar parte como beneficiarios no uso dos cheques regalo, deberán poñerse en contacto co Concello a través do número de teléfono 680 913 904 de luns a venres en horario de 9:00 a 14:00 ou a través do correo electrónico tecnicadeportiva@concellodebarreiros.gal, antes do 27 de decembro do 2020.
Aporte solidario coa inscrición
A recadación total das inscricións así como os aportes económicos extra que cadaquén faga de forma voluntaria, destinaranse exclusivamente ao fondo de emerxencia social do Concello de Barreiros (alimentación, roupeiro,material escolar, etc).
Segundo Dani García, concelleiro de Dinamización e Participación Veciñal, “é unha proba na que, tanto individual como colectivamente, as persoas que participan, á vez que realizan un esforzo físico saudable, súmanse ao apoio económico e dinamizador que o Concello fai a estes sectores tan perxudicados pola Covid19”.
Barreiros destina 3000 euros a dinamizar o consumo local a través dunha proba deportiva virtual
Relacionado
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
