Ribadeo, 5 de decembro de 2020. Media ducia de novos locais se adheriron á nova fase das Panchas que se prolongará ata o vindeiro 5 de xaneiro. Onte, venres, foron adquiridos máis de 500 packs da moeda local de Ribadeo na oficina de Abanca.
Desde a Concellaría de Desenvolvemento Local lembra que “o espírito deste programa é fomentar e promover o comercio local a través dunha subvención directa ao consumo e que se distribúa dunha maneira ordenada entre as persoas consumidoras nos establecementos adheridos ao programa. De aí que se artellase en pequenas cantidades, 30 euros cada pack, o que supón 40 panchas/euros como gasto de compra”.
E subliñan que “na primeira fase desta edición das panchas foi detectada a compra masiva de packs por parte dun grupo de persoas, polo que entendemos que se trata dun uso indebido, que desvirtúa e racha co espírito da iniciativa”.
Desde o departamento que dirixe Pablo Vizoso, e de acordo con Acisa e con Abanca, “para evitar que estes feitos volvan producirse haberá de novo límite de adquisición de packs por persoa e DNI. O número máximo serán 10 packs”. E insisten en que “segue vixente a limitación do gasto de 80 panchas por compra”.
Desde o Concello lembran que a ampliación da campaña das Panchas ata o 5 de xaneiro supón tamén unha ampliación da dotación económica en 20.000 euros “o que significa 2.000 packs mais e un total de 57.000 euros durante a segunda edición da campaña máis os gastos de promoción e organización”. Tamén se amplía o prazo de validez de todos os billetes de panchas ata o 5 de xaneiro de 2021 así como as datas de validación das panchas que pasarán a ser os días 7, 14, 17, 21 e 28 de decembro de 2020 e os días 4, 11, 12, 13 e 14 de xaneiro de 2021 en horario de 9 a 14 horas”.
Vizoso Galdo aludiu á boa marcha da campaña das Panchas: “o primeiro lote de 3.700 packs de panchas esgotouse o último día previsto para o remate desta edición, que foi o pasado martes, 1 de decembro. E a fase de ampliación deu comezo onte, venres, coa adhesión de novos locais e que adquisición de máis de 500 packs de panchas na oficina de Abanca. Agardamos que a cidadanía aproveite esta oportunidade para consumir local, tanto no comercio coma na hostalería, e que aposte firmemente polos negocios de Ribadeo este Nadal”.
O edil ribadense engadiu que “o volume de negocio que xeramos coa moeda local de Ribadeo nesta edición será de cómo mínimo 240.000 euros, cartos que terán repercutido ao longo duns tres meses no comercio, na hostalería, nos servizos… do noso pobo, que neste 2020 tanto o necesitan”.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
