Burela, a 9 de xaneiro de 2021. O PP burelés denuncia as malas formas do Sr. Llano e do seu concelleiro Fernández Rey poñendo como exemplo o aviso con tan só hora e media de antelación ao Grupo Municipal Popular coa clara intención de que este non acudira á presentación deste venres da Supercopa de España de fútbol sala.
“As cousas teñen que ir moi mal no Concello cando o Sr. Llano e o Sr. Fernández Rey teñen que utilizar este tipo de estrataxemas, para darse autobombo e conseguir unha instantánea cos seus socios de goberno, os concelleiros do BNG, a costa de politizar o fútbol sala”.
No PP aclaran que “isto é algo que empeza a ser habitual, hai uns días non avisaron a ningún representante do Grupo Municipal Popular para que acudira á recepción das Supercampioas. E outro exemplo constitúeo a introdución dun punto no último pleno, de forma totalmente irregular, fóra da orde do día e sen avisar, para facer un discurso político sobre a hostalaría en Burela”.
Sinalan que, “neste último caso, mellor lles iría se cumpriran coas promesas que lles fixeron aos hostaleiros e lles entregaran, por exemplo, algún dos escasos 50.000 euros que ían repartir o ano pasado para axudarlles, e dos que nada saben, ou lles condonara o pago da taxa de terrazas tal e como lles dixo que ía facer”.
“O que nos fai gracia é o cinismo co que actúa o Sr. Llano que, hai uns meses, se queixaba de que a Xunta o avisara con tan só 48 horas de antelación para a visita dunha conselleira a Burela. Dende o PP de Burela poderíamos chegar a entender esa crítica se el se dignara a ter esa mesma cortesía política e avisara aos representantes da veciñanza de Burela, o Grupo Municipal Popular, con esa antelación”.
O Concello de Burela non lle solicitou ningún tipo de colaboración á Xunta no referente ás instalacións municipais da Marosa
Noutra orde de cousas, dende a concellería de deportes, o Sr. Fernández Rey, “tivo o descaro de criticar publicamente que a Xunta non investira nada nestes últimos anos nas instalacións municipais da Marosa sabedor de que, dende o propio Concello, non se lle solicitou ningún tipo de colaboración para manter o paupérrimo estado no que están estas instalacións, de titularidade municipal, dende que os socialistas forman parte do goberno en Burela”. “E é que, tal e como se indicou dende a Secretaría Xeral Para o Deporte da Xunta de Galicia, só houbo contactos para a construción dun pavillón de deportes que finalmente quedou en nada”.
Indican dende as filas populares que “Don Ramiro Fernández esquece, con toda a intención, as aportacións anuais que fai a Xunta de Galicia aos clubs e agrupacións deportivas da nosa vila e que ascenden a uns 130.000 euros”.
“Unha vez máis, Don Ramiro Fernández, trata de botar balóns fóra cando lle apertan os zapatos e é que nos últimos tempos estase a lucir cos incumprimentos que está a ter o propio concelleiro cos usuarios destas instalacións deportivas”. Dende o PP lembran, “xa non nos referimos ao atraso inxustificable na execución dos proxectos prometidos o ano pasado para estas instalacións, algo moi habitual neste goberno local, como son a reparación da grada principal, o peche perimetral do campo de herba artificial ou a reparación da cuberta da grada accesoria… só hai que ver a última nota de prensa na que, coa súa soberbia característica, lle indica á SD Burela que lle debería de estar agradecida polas aportacións feitas dende o Concello”.
“Aqueles veciños e veciñas que queiran ver as aportacións feitas polo goberno socialista que acudan ás instalacións municipais da Marosa estes días e que vexan a situación na que se atopan”, conclúen os populares.
O PP burelés denuncia as malas formas do Sr. Llano e do seu concelleiro Fernández Rey
Relacionado
-
Lucía Legazpi López gaña a viaxe a Lanzarote no sorteo do Pasaporte de Acisa
-
Mondoñedo acolleu este sábado a XII Xornada Anual da SOGAMP, centrada nos retos da medicina preventiva
-
A Xunta impulsa en Ribadeo a celebración do foro ‘España Verde: un destino de calidade’ para reforzar a oferta turística da Mariña
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
