Mondoñedo, 13 de febreiro de 2021. A Secretaría Xeral para o Deporte financia con 26.233 euros a actividade da Federación Galega de Espeleoloxía durante o 2021, tanto a práctica deportiva como iniciativas de promoción da modalidade.
O delegado territorial da Xunta en Lugo, Javier Arias, visitou o Centro Español de Documentación Espeleolóxica, situado en Mondoñedo, e mantivo un encontro con Gonzalo Villarmea e Rosa Varela, secretario e vogal da Federación respectivamente; tamén participou o alcalde do municipio, Manuel Otero.
Arias subliñou a importancia de contar cun centro destas características “nunha provincia que ofrece un marco extraordinario para a práctica da espeleoloxía”; ao respecto, engadiu que esta especialidade “reúne todas as vantaxes do deporte e permite ademais establecer unha relación plena coa natureza”.
O convenio asinado entre a Secretaría Xeral para o Deporte e a Federación recolle que o orzamento estará destinado a sufragar gastos propios da actividade deportiva ordinaria e de accións de promoción, incluíndo a difusión entre escolares, a promoción da igualdade de xénero, a inclusión de deportistas con discapacidade, ou calquera outra dirixida a posibilitar a participación inclusiva de todas as persoas.
Entre os conceptos concretos financiados con cargo ao convenio figuran as remuneracións do persoal técnico -directores técnicos, adestradores, persoal de apoio…- material deportivo, ou gastos de asistencia a competicións -desprazamentos, manutención e aloxamento-, entre outros.
Atlas galego
Un dos proxectos máis salientables que desenvolve a Federación é a elaboración do Atlas galego de cavidades e canóns, ao que se destina preto da metade do orzamento do convenio (o 46,7%).
O propósito é crear un catálogo exhaustivo de covas, barrancos e canóns, que ofreza todos os datos posibles sobre cada un deles, tanto para facer máis doada e segura a visita como para permitir a análise da información unha vez estea dixitalizada.
A Federación utilizará información básica e cartografía recollida na plataforma de Información Xeográfica de Galicia da Xunta. Centrarase nos elementos xeolóxicos obxecto do seu estudo para completar, con investigacións de campo e outros materiais, un compendio que agrupe información sobre cartografía, características, niveis de protección do elemento ou da contorna e accesibilidade, entre outros aspectos.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
