A Mariña, 4 de febrero de 2021. A Plataforma Sanitaria da Mariña foi coñecedora nestes días da situación caótica na que se atopa o servizo de cardioloxía ao faltar, desde hai uns quince días polo menos, a segunda das cardiólogas que forma parte da plantilla do servizo, e ficar o mesmo cun só profesional . O único cardiólogo que atende nestes momentos unha poboación de setenta mil habitantes está a atender só urxencias.
No pasado mes de novembro este colectivo xa denunciara públicamente a falta dun dos tres profesionais que forman o cadro facultativo do servizo, por mor dunha excedencia, quedando a comarca moi deficitaria nesta prestación, básica e cunha alta incidencia e prevalencia, tanto de patoloxía que require seguimento, coma de eventos urxentes que fan perigar a vida das persoas.
Desde A Plataforma Sanitaria da Mariña esiximos á xerencia que se repoña e restableza o servizo de cardioloxía, polo menos ao seu nivel previo a setembro de 2020, un nivel que xa era precario e que xa foi denunciado aos medios, máis “nestes momentos a situación é crítica e precisa que se tomen medidas urxentes sen máis dilación”, denuncia a coordinadora da plataforma.
Lembrámoslle ao Sergas e ao gobernó da Xunta que situacións coma esta veñen facéndose públicas desde hai anos, e mesmo queremos destacar a cantidade de falacias que obtivemos por respostas, chegando a declarar que en caso de ser necesario virían especialistas do HULA a traballar ao hospital da Mariña. Nada máis lonxe da realidade, cando comprobamos que están a “deixar un deserto un servizo esencial e prioritario, mesmo sabendo que no HULA existe una plantilla de máis de vinte profesionais”, conclúen.
Para máis información chamar a Montse Porteiro 615187637 ou a Víctor Vila 677343429
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
