Viveiro, 19 de febreiro de 2021. A Xunta de Galicia, no marco da programación da Rede Galega de Teatros e Auditorios (RGTA), promove ata xuño 25 actuacións escénicas e musicais na área da Mariña. As funcións organízanse en colaboración cos concellos de Viveiro, Burela, Foz e Ribadeo, integrantes da Rede. A carteleira con todas as funcións e horarios pódese consultar no web da Axencia Galega de Industrias Culturais (Agadic) e en Cultura de Galicia
A primeira das actuacións terá lugar mañá sábado en Viveiro, con O premio, de La Quintana, unha comedia sobre a situación que viviremos nun futuro próximo derivada do progreso tecnolóxico e a loita cara ao éxito económico, sentimental e social. O día 27 chegará o teatro dirixido a público familiar con Ghazafelhos e o seu Pinocchio, unha adaptación do clásico que mestura marionetas, teatro actoral e música en directo.
Xa en marzo, o día 6, Teatro do Noroeste ofrecerá a obra Da avaricia, a luxuria e a morte. En abril tamén haberá teatro familiar, con Ummm! Unha comedia musical para chupar os dedos, de Teatro Avento Producións, o día 10; e con Lázaro de Tormes, de Pedras de Cartón, o día 24. O 17 deste mesmo mes representarase a obra coproducida co Centro Dramático Galego A compañeira de piso, de Contraproducións. Todas as funcións terán lugar no Teatro Pastor Díaz.
Funcións en Burela, Foz e Ribadeo
En Burela, o 27 de febreiro representarase Unhas gafas como as do avó, de A Trastenda dos Contos, que combina lingua de signos e lingua oral, e o día 13 de marzo o espectáculo musical Extra!, de Paco Nogueiras. O 17 de abril chegará o novo circo The show moscón, de Galitoon, e o 8 de maio, Acuario, de Ghazafelhos. Todas estas funcións están dirixidas ao público familiar. A programacion compléta e con dous concertos, Dende o meu balcón, de Susana Seivane, e Nostálgica, de Frik&paldis, os días 15 e 29 de maio. Todas as actuacións terán lugar na Casa da Cultura.
Pola sua banda, a Sala Bahía de Foz acollerá tres funcións de teatro infantil, con Aguratrat!, de Pérez & Fernández, o 6 de marzo; Cousas de casa, de Mircromina, o día 10 de abril. Outra das obras previstas para este semestre é O lobo e a lúa, de Baobab teatro, nunha data pendente de determinar.
Finalmente, en Ribadeo as funcións, que se desenvolverán no Auditorio Municipal Hernán Naval, comezarán o 7 de marzo, coa obra de teatro familiar Ris Ras, de Baobab Teatro. Tamén están dirixidas á cativada as obras O segredo do tendal e Cinema Marabillas, de Raquel Queizás, programadas para os días 14 e 20, respectivamente; Arrerrú, de Rilo & Penadique, para o día 21; e o espectáculo de danza Catro, de Caramuxo Teatro, que será o día 28. En abril representarase A xente 2.0, de Amorodos, o día 11; e As pitas baixo a choiva, de Ghazafelhos, o 25, esta dirixida ao público familiar. O 2 de maio Talía Teatro ofrecerá Vida de cans e o 9 Chévere, Curva España. Será tamén Chévere quen peche a programación deste primeiro semestre en Ribadeo, con As fillas bravas e o mito de Casandra, o 6 de xuño.
Máis de 300 actuacións en 40 concellos
Deste xeito, a Rede Galega de Teatros e Auditorios retoma a actividade, suspendida nas últimas semanas por mor das restricións da covid-19, como programa cultural máis intenso e extenso de todos os promovidos pola Xunta. Cómpre salientar, que a programación total deste primeiro semestre ofrece máis de 300 actuacións musicais e escénicas en 40 concellos da Rede, coa participación de 110 formacións artísticas profesionais. Mobilízanse así contratacións por un valor aproximado dun millón de euros, cofinanciados entre a Xunta e os concellos asociados.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
