Viveiro, 2 de febreiro de 2021. A ordenanza que ten como obxectivo regular o tráfico dentro do casco antigo de Viveiro entrou en vigor o pasado 25 de xaneiro, tendo en conta que se considera peonil na súa totalidade e que actualmente está protexido polo Plan Especial de Protección Interior (PEPRI), ao tempo que se regulan os accesos necesarios para residentes, usuarios de garaxes, titulares de establecementos comerciais, repartidores, obras e demais supostos recollidos na mesma.
Esta normativa faise coa pretensión de mellorar e dotar de maior seguridade a todas aquelas persoas que transitan polo interior do casco antigo, en cuxo interior residen moitos veciños e veciñas e están ubicados numerosos establecementos comerciais.
O concello quere que se rehabiliten máis vivendas e iso implica regular o acceso para a execución das obras; estes e os demais supostos que poden motivar a necesidade de acceder con vehículos ao casco antigo quedan regulados nesta ordenanza, establecendo para cada caso os requisitos esixidos e as condicións para o acceso.
Grazas a esta ordenanza, veciños e visitantes poderán transitar polo casco de Viveiro, sabendo que o acceso de vehículos está regulado e restrinxido a unhas determinadas franxas horarias, salvo excepcións ou emerxencias.
Dende a súa entrada en vigor presentáronse un total de 26 solicitudes, correspondentes aos seguintes distintivos:
– Distintivo R, Residentes:8
– Distintivo D, Reparto: 4
– Distintivo DP, Panadaría:1
– Distintivo EC, Comercio: 1
– Distintivo RR, Reparto de comida e medicamentos:2
– Distintivo MR, Mobilidade Reducida:3
– Distintivo S, Servizos Esenciais:3
– Distintivo O, Obras: 2
– Distintivo EX,extraordinario: 2
Por parte do goberno municipal lémbrase que para poder acceder con vehículos é preciso solicitar o correspondente Dispositivo de Acceso Restrinxido, segundo os distintos supostos recollidos na ordenanza. Neste sentido, prégase que os interesados soliciten estes distintivos o antes posible e que leven consigo a copia da solicitude cando circulen polo interior do casco antigo en tanto non dispoñan da autorización e do propio distintivo.
Durante as primeiras semanas a Policía Local realizará unha labor de información e concienciación para a adaptación íntegra ao establecido nesta ordenanza, pero é necesario que todas aquelas persoas que acceden ao casco soliciten esta autorización á maior brevidade posible.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
