Ribadeo, 2 de febreiro de 2021. A Asociación de Profesores de Automoción de Galicia (APAGA) organiza esta fin de semana, os días 6 e 7 de febreiro, un curso de aparatos de medida: directa, por comparación e en electricidade. O día 20 de febreiro terá lugar outra actividade destinada a persoas que están pendentes de presentarse a unha oposición e os días 27 e 28 impartirán un curso sobre aerografía e as aplicacións que ten no mundo do automóbil, das motocicletas ou dos monopatíns. A inscrición está aberta e o número de prazas é limitado.
O presidente de APAGA, Álvaro Doural, anunciou que “esta fin de semana, o sábado e o domingo, está previsto facer un curso sobre aparatos de medida mecánicos e eléctricos. Sempre coas condicións que regula o covid de separación adecuada, ventilación, etc…”. Na cita abordaranse cuestións como o calibre en mm e pulgadas, o calibre de profundidade, os micronómetros de exteriores, interiores e de profundidade, o reloxo comparador ou o manexo do osciloscopio en voltios e amperios.
Doural engadiu que “o día 20 imos facer un curso, deseñado para xente que se vaia presentar a oposicións, sobre o tema de programación, unidades didácticas e todo ese tipo de cuestións. Este curso seguramente vai ter outro día máis, pero máis adiante, en principio a primeira cita será o 20 deste mes”.
O presidente de APAGA dixo que “a última fin de semana do mes de febreiro imos ter un curso de aerografía. Está aberto a todo o público, rapaces, para calquera que queira participar. Terá dous días de duración e abordarase o tema de aerografía en distintos equipos como pode ser no automóbil, nas motocicletas, nos monopatíns e ata a utilización de aerografía no corpo humano”.
Álvaro Doural sinalou que “todos os cursos teñen prazas limitadas, cun aforo máximo de oito persoas. A información témola no correo habitual, en apagaribadeo@gmail.com, no teléfono 639 88 49 45 e na nosa páxina web, www.apaga.es. Estas son as actividades programadas para este mes de febreiro e estase traballando agora no plan de marzo e de abril. Esperamos que poidamos contar con outras condicións máis favorables de traballo e desenrolar a actividade formativa con normalidade”.
APAGA organiza durante este mes diversos cursos. Entre outros, un sobre aparatos de medida e outro sobre aerografía
Relacionado
-
Ribadeo acollerá a presentación de Hostelería #PorElClima, iniciativa para reducir a pegada de carbono no sector
-
Portos de Galicia investirá 80.000 euros na renovación da cuberta dos departamentos de armadores de Burela
-
Veciños da Avenida de América de Ribadeo crean un colectivo para defender os seus dereitos ante as obras do Concello
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
