A Mariña, a 27 de febreiro de 2021. Unha paciente denuncia que leva máis dun ano agardando para que lle administren a segunda infiltración por un problema no ombreiro dereito. A muller sufriu unha lesión no tendón do supraespinoso dereito, diagnosticada por ecografía. Desde o servizo de traumatoloxía decidiron administrarlle unha infiltración o día 12 de febreiro de 2020. O especialista recomenda tamén que entre a primeira e a segunda infiltración non pasen máis de seis ou oito semanas, e sae cunha nova cita para administrarlla o 25 de febreiro de 2020.
Pouco tempo despois é chamada para anularlle a citación e reprogramala para abril de 2020, cita que novamente é anulada sine die, usando a cada vez máis frecuente expresión “xa a chamaremos”. “A día de hoxe ainda non me chamaron e xa pasou máis dun ano da primeira, paréceme inaceptable, a paciencia ten un límite” – lamenta a paciente.
Ante esta demora vergoñenta, e tendo que soportar dor sin que se vislumbre unha solución, a muller decide contactar coa Plataforma Sanitaria da Mariña e solicitar a súa axuda para a redacción dunha reclamación. A devandita reclamación é rexistrada o día 4 de febreiro de 2021 con número de entrada 269, mais continúa actualmente na mesma situación despois de máis dun ano.
Consultada a situación das súas consultas, a cita para a infitración “desapareceu” dos rexistros.
A paciente, que consultou a súa situación a través da chave 365, puido comprobar que a cita para a infiltración non existía, o que nos leva a pensar que “é premeditado para que nunca figuren agardas excesivas e cadren os números nas estadísticas que filtran aos medios; así cando deciden citala introducen a nova data e cumplen sempre coa lei de garantías sanitaria; simplemente insultante”- constatan desde o colectivo.
Desde este colectivo esiximos ao Sergas que deixe de mentir a veciñas e veciños da Mariña, contándonos historietas da fantástica xestión que fan, inundando os medios de comunicación con reportaxes que só falan de metros cadrados e cartos para carteis publicitarios e fachadas no hospital da Mariña, para tapar a súa incompetencia. Xa non nos cola o gran interese que ten o goberno da Xunta e o Sergas polos pacientes.
Aclarámoslle ao deputado mariñao José Manuel Balseiro – “pois parécenos que sofre de certa incomprensión lectora” -que cando un servizo non é capaz de dar resposta ás necesidades dos pacientes, relegándoos ao olvido por falta de medios humanos e/ou tecnolóxicos, pois o servizo é como se non existise ou o que é peor, como se o eliminasen.
A coordinadora da Plataforma, Montse Porteiro, insiste en que a mellor maneira de demostrar competencia, xestión eficiente e interés polas persoas é “cumprindo a lei de garantías sanitarias de verdade, sen trampas nin solicitudes que se perden nos caixóns”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
