Burela, 6 de febreiro, 2021. As laranxas puideron celebrar a súa volta ao parqué vinte e oito días despois do seu último encontro, a conquista da Supercopa, con tres puntos na pista do Universidad de Alicante (1-3). O Pescados Rubén Burela soubo como adaptarse á escaseza de efectivos, entre lesións e illamentos domiciliarios, cun gran desgaste. Aínda que as Guerreiras non obtiveron a recompensa máis que merecida para tomar a iniciativa no electrónico, o gol das alacantinas, chegando ao ecuador da segunda parte, serviulles para atopar a paciencia necesaria tanto para igualar a contenda como para aferrarse á vitoria na recta final.
Ambas as escuadras regresaban á competición ligueira tras tres xornadas de aprazamentos, estreando por fin a segunda volta do Grupo B nesta xornada 13. O Pescados Rubén Burela FS expuxo un encontro diferente, dando un pouco de protagonismo ao rival, cunha defensa en media pista; as de Julio Delgado dispuxeron das ocasións, pero a precipitación impediu que chegasen ao descanso con vantaxe.
A finalización que non atoparon as galegas na primeira parte, obtívoa a UA a través de Miriam nun saque de falta, no minuto 29. Foi entón cando o Pescados Rubén conseguiu o equilibrio perfecto entre a súa sempiterna insistencia e a paciencia para aliarse co acerto goleador. Así, no 33, Ale de Paz, en parede, empatou para dar paso ás dianas de Elena Aragón, ao segundo pau, e Peque, tamén en parede. Con dous minutos para o final, as mariñás tamén souberon responder fronte á aposta de porteira xogadora das locais.
Ficha técnica
Universidad de Alicante FS: Elena, Paula, Mª. Ángeles, Lara, Elenita, cinco inicial; tamén xogaron Raquel, Ana, Sara, Miriam, Mónica, Ana Romero, Bianca
Pescados Rubén Burela FS: Sandra Buzón, Dany, Peque, Cami, Ale de Paz, cinco inicial; tamén xogaron Jane, Elena Aragón, Lara Balseiro, Jozi Oliveira
Goles: 1-0, minuto 29, Miriam;1-1, minuto 33, Ale de Paz; 1-2, minuto 38, Elena Aragón; 1-3, minuto 38, Peque
Árbitros: Lidia Guillem // Carlos Rabadán.
Incidencias: Partido correspondente á xornada 13 de Primeira División Feminina disputado no pavillón Universidad de Alicante.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.