Foz, 19 de marzo de 2021. O Concello de Foz anuncia que 41 establecementos de hostalería xa participan nas Xornadas Gastronómicas imPULSA FOZ, que comezaron este venres, co arroz como produto destacado e que contan coa colaboración da ACIA. E este domingo haberá música nas rúas a cargo da charanga Brassica Rapa.
O alcalde, Fran Cajoto, lembra que “estas xornadas gastronómicas enmárcanse dentro do plan de impulso á hostalería e comercio locais promovido polo Concello e consensuado con profesionais da hostalería e coa ACIA local, dentro do cal se implementaron xa medidas como a derrogación da taxa das terrazas, aprobada en pleno”.
O concelleiro Chema Linares valora moi positivamente a alta participación do sector nas xornadas gastronómicas, o que indica que o programa deseñado polo Concello está a ter moi boa acollida. “Lonxe de polémicas, o que nos move é traballar por e para o pobo: estamos abertos sempre a mellorar e desexamos que estas xornadas sexan un rotundo éxito”, di Linares.
Fran Cajoto engade que “a rectificación da Xunta de Galicia, permitindo aforos interiores do 50% e 75% en terrazas, así como unha prolongación dos horarios de peche ata as 21 horas, recolle parte das demandas do sector, que necesita traballar para sobrevivir. Agardamos tamén que as novas condicións permitan a reapertura de locais, que tiveron que botar o peche porque as limitacións lles resultaban insostibles”.
Ademais da achega de 20.000 euros para o financiamento das xornadas gastronómicas que aporta o Concello de Foz, vanse entregar 2.000 euros en premios co sorteo semanal de dez vales de 50 euros para consumir no noso concello. O sorteo dos primeiros dez vales destas novas xornadas será o vindeiro mércores, día 24 de marzo, destaca Chema Linares. “Calquera pode ser o afortunado: só hai que consumir, iso si, cumprindo todas as medidas sanitarias, en calquera dos 41 establecementos adheridos”.
Música nas rúas o domingo
Ademais, formando parte do programa Cultura na Rúa 2.0 e no marco das actividades que se programan para estes meses, o Concello de Foz contará coa charanga Brassica Rapa este domingo, día 21. “Desde as 12:30 horas por diversas rúas e bares da vila, as rapazas da banda Brassica Rapa acompañarán con boa música á poboación que decida acudir ao casco urbano focego a gozar do día. Desta maneira amenizarán musicalmente as xornadas gastronómicas que se desenvolven esta fin de semana”, comentou a concelleira de Cultura, Inés López Couto.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
