Lugo, a 5 de marzo de 2021. A CIG ten convocadas 31 mobilizacións en cidades e vilas de toda Galiza para facilitar a participación de todas durante a xornada de folga de mulleres do 8 de Marzo. Co fin de garantir o cumprimento de todos os requisitos derivados da pandemia, acordouse promover actos a nivel local, evitando desprazamentos, organizar as manifestacións en columnas de mulleres, garantindo a distancia interpersoal de máis de metro e medio, e uso de máscara de protección.
Na provincia de Lugo, a CIG ten convocadas as seguintes mobilizacións de mulleres:
Na cidade de Lugo, ás 12:00 horas, concentración na Ronda da Muralla diante do edificio multiusos da Xunta.
Na comarca da Mariña, ás 12:00 horas, concentración na explanada do Hospital de Burela.
Fronte a campaña de desprestixio e boicot que hai en marcha, dende a Secretaría das Mulleres da CIG poñen o acento en que “os nosos dereitos non poden ficar confinados e urxe, agora máis que nunca, saír á rúa para exixir medidas reais contra a precarización das condicións de vida das mulleres e visibilizar e frear o detrimento das nosas condicións laborais, de saúde, económicas e sociais derivadas desta crise”.
A este respecto, a central sindical denuncia que “ao poder non lle interesa a resposta na rúa” e que, coa escusa da pandemia, “está facendo un chamado a non mobilizarse cando permitiu manifestacións da ultradereita, saltándose límites perimetrais, e acudindo mesmo sen protección”.
Folga de 24 horas
A CIG convoca novamente este ano folga de mulleres de 24 horas para reivindicar, entre outras cuestións, a fin da sobreexplotación nos traballos asalariados e nos fogares, rexeitando a elevada temporalidade e a precariedade laboral que afecta especialmente ás traballadoras, xa que son quen máis contratos a tempo parcial e de curta duración teñen; unha igualdade retributiva real, que non permita fendas salariais de ningún tipo; e pensións dignas e garantidas para todas as mulleres.
Así mesmo, que o traballo a distancia (cunha implantación acelerada a raíz da pandemia) non sexa unha nova ferramenta de explotación e de falsa conciliación, senón que sexa de carácter voluntario e con todos os dereitos e garantías.
A central tamén demanda prestacións familiares e licencias remuneradas para quen non poida asistir ao traballo asalariado por obrigas de coidados; e que, dunha vez, se valoricen os traballos feminizados e de coidados, demandando a creación dun Sistema Público Galego de Servizos de Atención ás Persoas que aglutine as residencias de maiores, centros de atención á dependencia, centros de día, servizo de axuda no fogar etc., en condicións de calidade asistencial, que dignifique as condicións laborais do persoal encargado destas tarefas e que rache co modelo privatizado e mercantilista promovido dende o Goberno do PP na Xunta.
Os traballos de coidados, esenciais pero non valorizados
A Secretaría das Mulleres da CIG subliña que se o pasado ano o feminismo se botaba á rúa denunciando que “sen coidados non hai vida”, a pandemia evidenciou ás claras que os traballos feminizados son traballos esenciais para o desenvolvemento da sociedade. Porén, as mulleres non foron obxecto de ningunha política específica destinada nin a protexer a súa saúde, sobreexpoñéndoas ao virus, nin tampouco se recompensou o seu sobreesforzo cunha revalorización social e económica do seu traballo.
Por iso, a CIG anima as galegas a que este 8 de Marzo fagan folga “para amosar que están cansas da precariedade, dos abusos, de que o capital sexa quen xestione a crise e de que se poñan as nosas vidas en risco. Porque ten que haber cambios reais xa”.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
