Santiago de Compostela, 12 de marzo de 2021. A Xunta solicitoulle hoxe ao Ministerio para a Transición Ecolóxica e o Reto Demográfico a simplificación dos trámites necesarios para autorizar proxectos de saneamento estratéxicos en Pontevedra, Pontedeume, Burela, Foz, e Viveiro.
A conselleira de Infraestruturas e Mobilidade, Ethel Vázquez, mantivo unha xuntanza por videoconferencia, co secretario de Estado de Medio Ambiente, Hugo Morán. Na xuntanza tamén participaron a directora de Augas de Galicia, Teresa Gutiérrez, o xerente da entidade, Gonzalo Mosqueira, e a directora xeral da Costa e o Mar do Ministerio, Ana María Oñoro.
Ethel Vázquez demandoulle ao organismo estatal unha maior dilixencia nas tramitacións necesarias para poder executar proxectos esenciais para a mellora das rías galegas. Precisou ademais que a Xunta xa dispón de financiamento procedente de fondos europeos para avanzar nestas actuacións.
A ese respecto, puxo como exemplo o acontecido co novo emisario submarino da ria de Pontevedra. A Xunta solicitou a autorización da Dirección xeral da Costa e do Mar en maio de 2018 e esta non foi aínda emitida, a consecuencia das múltiples solicitudes de documentación formuladas polo Ministerio.
Explicou que cómpre non só que a Dirección Xeral da Costa e o Mar responda de xeito áxil á documentación presentada por Augas de Galicia, senón que, especialmente, teña en conta que os múltiples estudos e documentos adicionais que solicita acaban por atrasar a solución aos problemas ambientais que se tratan de resolver coas obras.
A Xunta tamén expuxo nesta reunión a necesidade de acadar solucións para as depuradoras xa executadas, pero pendentes da regularización da súa ocupación en dominio público marítimo terrestre.
O Executivo autonómico propón que esta realidade se considere na Lei de Costas, ao tratarse de instalacións públicas destinadas á prestación dun servizo básico para a cidadanía e prioritario para a protección do medio ambiente costeiro.
Reiteran que é preciso que desde o ámbito xurídico se proporcione unha vía específica de resolución para que durante a vida útil das instalacións existentes, estas poidan ser regularizadas mediante un procedemento simplificado ou coa habilitación de títulos de ocupación, de forma transitoria se é necesario.
Na xuntanza, a titular de Infraestruturas tamén subliñou que Augas de Galicia, como organismo que exerce as competencias propias dunha confederación hidrográfica, debe ser considerado como tal na repartición deses fondos europeos.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
