Ribadeo, 4 de marzo de 2021. Acisa Ribadeo convoca a XI edición do Concurso Fotográfico Día do Pai. A presentación de traballos poderá facerse desde este sábado, 6 de marzo, ata o 19 deste mes. As imaxes deberanse subir á páxina de facebook da asociación.
As bases do concurso recollen que as fotos presentadas non puideron ser publicadas previamente en revistas, xornais, libros impresos ou sistemas online. Tampouco puideron ser obxecto de ningún outro premio fotográfico. As imaxes elixidas deben ter unha resolución 2MPX (1920X1080) para a súa posterior impresión e exposición. As instantáneas deberán ser tomadas nun establecemento asociado a Acisa Ribadeo, buscando unha simbiose entre a relación pai e fillo e o feito de mercar no comercio local. E sempre que sexa posible deberá indicarse o nome do establecemento onde se fai a fotografía.
Os traballos deberanse subir á páxina de facebook de Acisa, mediante a app que se instalará para tal efecto e que comezará a funcionar ás 00:00 horas do día 6 de marzo. O prazo de presentación de fotografías rematará ás 23:59 horas do día 19 de marzo e ata esa data terá lugar a votación popular. A publicación oficial do fallo realizarase o 22 de marzo.
O primeiro premio será unha cámara fotográfica FHD HDR-AS50B Black Sony valorada en 250 euros. Os segundo e terceiro premios serán 60 e 40 euros, respectivamente, en vales de compra de Acisa. As fotografías premiadas e presentadas poderán ser utilizadas nas diferentes plataformas de difusión da asociación, co único obxectivo de promocionar a fase participativa do concurso.
O presidente de Acisa Ribadeo, Francisco Iriarte, salientou que “o máis importante desta edición son os cambios dos premios e que as fotografías teñen que facerse nos negocios asociados, xa que a idea é darlles visibilidade e animar á xente a participar”.
O xerente da asociación ribadense, Jesús Pérez, engadiu que “todas as persoas interesadas en participar poden consultar as bases do concurso na web da asociación”. E engadiu que “este concurso sempre funciona moi ben. Xa estamos desexando que dea comezo para ver a creatividade dos clientes do comercio da nosa vila. Xa vai tocando que Ribadeo recobre a súa vida comercial e hostaleira. No caso deste concurso pensamos que é positivo, aínda que sexa unha pequena iniciativa que nos da un plan alternativo e seguro para gozar desta cita con seguridade e cumprindo con todas as medidas sanitarias en vigor”.
A campaña foi presentada por María Antonia López, secretaria de Acisa, e por Jesús Pérez, o xerente da asociación ribadense.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
Unha comedia orientada para público infantil escrita e dirixida por Bea Campos. Hora: 18h.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
